Psalmau 148 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Molwch Iah!

Molwch Iehofah, o’r nefoedd,

Molwch Ef, yn yr uchelderau;

2Molwch Ef, Ei holl angylion,

Molwch Ef, Ei holl luoedd;

3Molwch Ef, haul a lleuad,

Molwch Ef, yr holl ser goleuni;

4Molwch Ef, nef y nefoedd,

A’r dyfroedd, y rhai (ŷch) oddi ar y nefoedd!

5Molent hwy enw Iehofah,

Canys Efe a orchymynodd,—a chrëwyd hwynt;

6A sefydlodd Efe hwynt am byth ac yn dragywydd,

Deddf a roddes Efe,—ac nid aiff hi heibio!

7Molwch Iehofah, o’r ddaear,

Y môr-fwystfilod, a’r holl donnau;

8 Tân a chenllysg, eira ac ïa,

Y corwỳnt yn gwneuthur Ei air Ef;

9Y mynyddoedd a’r holl fryniau,

Y coed ffrwythlawn a’r holl gedrwydd;

10Y bwystfil a phob anifail,

Yr ymlusgiad ac adar asgellog;

11Brenhinoedd y ddaear, a’r holl bobloedd,

Tywysogion a holl farnwyr y byd;

12Gwŷr ieuaingc a gwŷryfon hefyd,

Henafgwyr a llangciau!

13Molent hwy enw Iehofah,

Canys dyrchafedig yw Ei enw Ef yn unig,

Ei ardderchowgrwydd (sydd) dros y ddaear a’r nefoedd;

14Ac uchel-gododd Efe gorn Ei bobl,

Moliant Ei holl saint (yw Efe),

(Sef) meibion Israel, pobl agos Atto;

Molwch Iah!