Psalmau 13 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1I’r blaengeiniad. Psalm o eiddo Dafydd.

2Hyd pa hyd, O Iehofah? — A anghofi Di fi am byth?

Hyd pa hyd y cuddi Dy wyneb oddi wrthyf?

3Hyd pa hyd y dodaf gynghorion yn fy enaid,

(A) gofid yn fy nghalon ddydd ar ol dydd?

Hyd pa hyd yr ymddyrcha fy ngelyn yn fy erbyn?

4Edrych, clyw fi, O Iehofah fy Nuw!

Goleua fy llygaid rhag huno o honof yn angau,

5Rhag dywedyd o’m gelyn “Gorchfygais ef,”

(Ac) i ’m gorthrymmydd orfoleddu o herwydd fy siglo!

6Eithr myfi—yn Dy drugaredd Di yr ymhyderaf,

Gorfoledda fy nghalon yn Dy gymmorth;

Canaf fawl Iehofah am wneuthur o Hono ddaioni i mi.