Eshaiah 48 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Gwrandêwch hyn, tŷ Iacob,

Y rhai a elwir ar enw Israel,

Ac o ddyfroedd Iwdah a ddaethant allan;

Y rhai (sy) ’n tyngu i enw Iehofah;

Ac am Dduw Israel a wnant goffhâd,

(Ond) nid mewn gwirionedd, nac mewn cyfiawnder.

2Canys ar (enw) ’r ddinas Sanctaidd y galwyd hwynt,

A chan Dduw Israel y cynnaliwyd hwynt;

Iehofah y lluoedd (yw) Ei enw.

3Y pethau cyn hyn er cynt a fynegais,

Ac o’m genau y daethant, a Mi a’u hyspysais,

Yn ddisymmwth y gwnaethum, a hwy a ddaethant.

4O herwydd im ’wybod mai caled (oeddit) ti,

A gïeuyn haiarn dy warr di,

A’th dalcen yn bres,

5Am hynny mynegais (hwynt) i ti er cynt,

Cyn iddo ddyfod gwnaethum it’ ei glywed,

Rhag dywedyd o honot, Fy nelw a’u gwnaeth,

A’m cerf-ddelw, a’m tawdd-ddelw a’u gorchymmynodd.

6Ti a glywaist, gwêl hyn oll;

A chwithau, oni fynegwch chwi (ef)?

Yr wyf yn peri i ti glywed pethau newyddion o’r pryd hyn,

A phethau cuddiedig, ac ni wybuost hwynt.

7Y pryd hyn y crewyd hwynt, ac nid er cynt,

A chyn y dydd (hwn) ni chlywaist sôn am danynt,

Rhag dywedyd o honot, Wele, gwyddwn hwynt;

8Ië nis clywaist, ië nis gwybuost,

Ië er cynt nid agorwyd dy glust,

Canys gwyddwn gan fod yn anffyddlon y byddit anffyddlon,

A “Throseddwr” o’r groth y’th alwyd di.

9Er mwyn Fy enw yr oedaf Fy llid,

Ac (er mwyn) Fy mawl y ffrwynaf (ef) oddi wrthyt

Rhag dy ddifetha.

10Wele, purais di ond nid fel arian,

Profais di mewn pair cystudd.

11Er mwyn Fy hun y gwnaf hyn, canys pa fodd yr haloger (Fy enw)?

A’m gogoniant i arall nis rhoddaf.

12Gwrando arnaf Fi, Iacob,

Ac Israel, yr hwn a elwais;

Myfi (yw) Efe,

Myfi (yw) ’r Cyntaf, a Myfi y Diweddaf.

13Ië, Fy llaw I a seiliodd y ddaear,

A’m deheulaw a rychwantodd y nefoedd;

A 2Myfi yn 1galw arnynt, hwy a safasant ynghŷd.

14Ymgesglwch chwi oll, gwrandêwch;

Pwy yn eich plith a fynegodd y pethau hyn?

Yr hwn y bu i Iehofah ei hoffi, efe a wna

Ei ewyllys Ef ar Babilon, (ac a fydd) yn fraich Iddo ar y Caldeaid.

15Myfi, Myfi a leferais, ië gelwais ef,

Perais iddo ddyfod, a llwyddo a wna ei ffordd ef.

16Nesêwch attaf, a gwrandêwch hyn;

『2O’r dechreuad』 1nid yn y dirgel y lleferais,

Cyn yr amser y digwydd (hynny), 2Myfi (sydd) 1yno;

Ac yn awr yr Arglwydd Iehofah a’m hanfonodd, a’i yspryd Ef.

17Fel hyn y dywed Iehofah,

Dy Adbrynwr, Sanct Israel,

Myfi (yw) Iehofah dy Dduw,

Yr Hwn sy’n dy ddysgu di yr hyn a leshâ,

Yr Hwn sy’n dy hyfforddi yn y ffordd a rodiech.

18O na wrandawsit ar Fy ngorchymynion!

Yna 『2fel yr afon』 『1y buasai』 dy heddwch,

A’th gyfiawnder fel tonnau ’r môr,

19Ac 『2fel y tywod』 y 1buasai dy hâd,

Ac eppil dy berfedd di fel ei berfedd yntau;

Ni thorrasid, ac ni ddinystriasid dy enw oddi ger Fy mron.

20Deuwch allan o Babilon, ffowch o (wlad) y Caldeaid â llef gorfoledd,

Mynegwch, hyspyswch hyn, perwch iddo fyned allan hyd eithafoedd y ddaear,

Dywedwch, Adbrynodd Iehofah Ei was Iacob.

21Ac ni sychedasant yn yr anialdiroedd y gwnaeth Efe iddynt fyned (drwyddynt),

Dyfroedd o’r graig a wnaeth Efe i darddu iddynt,

Ac Efe a holltodd y graig, a dylifodd dyfroedd.

22Nid oes heddwch, medd Iehofah, i’r rhai annuwiol.