Psalmau 98 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Psalm.

Cenwch i Iehofah ganiad newydd, canys rhyfeddodau a wnaeth Efe,

Iachawdwriaeth Iddo a wnaeth Ei ddeheulaw a’i fraich sanctaidd;

2Hyspysodd Iehofah Ei iachawdwriaeth,

Yngolwg y cenhedloedd y datguddiodd Efe Ei gyfiawnder,

3Cofiodd Ei drugaredd a’i ffyddlondeb, i dŷ Israel,

Gwelodd holl gyrrau’r ddaear iachawdwriaeth ein Duw!

4Codwch udgorn-floedd i Iehofah, O’r holl ddaear,

Llefwch a llawen-genwch, a tharewch y tannau,

5Tarewch y tannau i Iehofah, ar y delyn,

—Ar y delyn, ac â llef salm; —

6Ar udgyrn a sain cornet,

Llafar-genwch o flaen y Brenhin Iehofah!

7Rhued y môr a’i gyflawnder,

Y byd a’r trigiannyddion ynddo;

8Bid i’r afonydd guro dwylaw,

Yn gwbl oll bid i’r mynyddoedd lawen-ganu,

9O flaen Iehofah,—Ei fod yn dyfod i farnu’r ddaear,

Y barna Efe y byd, mewn cyfiawnder,

A’r bobloedd, mewn uniondeb!