1(Psalm) Dafydd. Awdl addysgiadol.
O ddedwyddwch (y neb i’r hwn) y maddeuwyd trosedd,
Y gorchuddiwyd pechod!
2O ddedwyddwch y dyn na chyfrif Iehofah iddo fai,
Ac nad (oes) yn ei yspryd dwyll!
3Tra y tewais, nychodd fy esgyrn,
Yn fy rhuad ar hyd y dydd;
4Canys dydd a nos, trom arnaf oedd Dy law,
Tröwyd fy sudd yn sychder haf. Selah.
5Fy mhechod a addefais Wrthyt, a ’m pechod ni chuddiais,
Dywedais, “Addefaf fy anwiredd i Iehofah,”
A Thydi a faddeuaist fai fy mhechodau. Selah.
6Am hyn, ymbilied pob duwiol â Thydi yn yr amser (y’th) geffir!
Yn ddïau, yn llifeiriant dyfroedd mawrion,
Ni chânt gyrhaedd hyd atto ef.
7Tydi (ydwyt) orchudd i mi, rhag cyfyngder y’m cedwi,
A llawen-ganiadau ymwared y’m hamgylchyni!
8“Cyfarwyddaf di, dysgaf di yn y ffordd yr elych,
Ymgynghoraf (drosot), arnat (y bydd) Fy llygad.”
9Na fyddwch fel march, fel mul heb ddeall!
Ag afwyn a ffrwyn, ei addurn, (y mae’n rhaid) ei rwymo,
Pryd na neshâo attat:
10Llawer o ofidiau (sydd) i’r annuwiol,
Ond a ymddiriedo yn Iehofah, rhadlondeb a’i cylchyna ef!
11Llawenhêwch yn Iehofah, a gorfoleddwch, O gyfiawn rai,
Llawen-genwch, yr holl rai uniawn o galon!
Who We AreWhat We EelieveWhat We Do
2025 by iamachristian.org,Inc All rights reserved.
