Psalmau 61 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1I’r blaengeiniad, ar yr offer tannau. Eiddo Dafydd.

2Clyw, O Dduw, fy llefain,

Gwrando ar fy ngweddi!

3O eithaf y ddaear, arnat Ti y galwaf yn llesmeiriad fy nghalon;

I’r graig sydd rhy uchel i mi, arwain Di fi,

4Canys buost noddfa i mi,

Yn dŵr cadarn rhag y gelyn!

5Trigaf yn Dy babell yn dragywydd,

Ymnoddaf dan orchudd Dy adennydd, Selah.

6Canys Tydi, O Dduw, a glywaist fy addunedau,

A roddaist (i mi) etifeddiaeth y rhai sy’n ofni Dy enw.

7Dyddiau, at ddyddiau y brenhin, a chwannegi Di,

(Ac) ei flynyddoedd fel cenhedlaeth a chenhedlaeth:

8Bydded ef orseddawg yn dragywydd ger bron Duw!

Trugaredd a ffyddlondeb, par iddynt ei gadw ef!

9Felly y tarawaf y tannau i’th enw byth,

Er mwyn talu fy addunedau ddydd (ar ol) dydd.