1Hoff yw gennyf wrando o Iehofah
Ar fy llef, ar fy ymbiliau,
2Gogwyddo o Hono Ei glust attaf;
Ac yn hyd fy nyddiau y galwaf (Arno)!
3Cylchynodd maglau angau fi,
A chyfyngderau annwn a’m cawsant,
Ing a blinder a gefais;
4Ac ar enw Iehofah y gelwais,
“Attolwg, Iehofah, gwared fy enaid!”
5Graslawn (yw) Iehofah, a chyfiawn,
A’n Duw ni (sydd) dosturiol;
6Cadw y rhai syml (y mae) Iehofah,
Anghenus oeddwn ac i mi y rhoes Efe ymwared!
7Dychwel, O fy enaid, i’th orphwysfa,
Canys Iehofah fu dda wrthyt,
8Canys achubaist fy enaid oddi wrth angau,
Fy llygaid oddi wrth ddagrau,
Fy nhraed rhag tramgwyddo!
9 Ymrodiaf o flaen Iehofah
Yn nhiroedd y rhai byw;
10 Sicr-gredu yr wyf pan ddywedwyf
“Myfi,—cystuddiwyd fi yn ddirfawr!”
11Myfi,—dywedais yn fy nychryn,
“Pob dyn (sydd) dwyllodrus!”
12Pa beth a dalaf i Iehofah
Am Ei holl ddaioni i mi?
13— Cwppan ymwared a gymmeraf,
Ac ar enw Iehofah y galwaf,
14Fy addunedau i Iehofah a dalaf
Yngŵydd — O bydded felly! — Ei holl bobl!
15Gwerthfawr yngolwg Iehofah
(Yw) marwolaeth Ei saint Ef:
16Attolwg, O Iehofah; canys myfi, Dy was (wyf),
Myfi, Dy was (wyf), mab Dy wasanaeth-wraig;
Dattodaist fy rhwymau!
17I Tydi yr aberthaf aberth dïolch,
Ac ar enw Iehofah y galwaf,
18Fy addunedau i Iehofah a dalaf
Yngŵydd — O bydded felly! — Ei holl bobl,
19Ynghynteddoedd tŷ Iehofah,
Yn dy ganol di, O Ierwshalem!
Molwch Iah!
Who We AreWhat We EelieveWhat We Do
2025 by iamachristian.org,Inc All rights reserved.
