Psalmau 137 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Wrth Babilon, yno yr eisteddasom ac y wylasom,

Wrth gofio o honom Tsïon;

2— Ar yr helyg ynddi hi

Y crogasom ein telynnau —

3Canys yno y gofynodd ein caethgludwyr i ni am eiriau cân,

A’n cystuddwyr am hyfrydwch, (gan ddywedyd)

4“Cenwch i ni o gân Tsïon.”

Pa fodd y canasem ni gân Iehofah

Ar wyneb tir yr estron?

5Os anghofiaf di, Ierwshalem,

Anghofied fy neheulaw (fi)!

6Glyned fy nhafod wrth daflod fy ngenau

Os na chofiaf di,

Os na dderchafaf Ierwshalem

Goruwch pennaeth fy hyfrydwch.

7Cofia, Iehofah, feibion Edom

Yn nydd Ierwshalem,

Y rhai a ddywed’sant, “Dinoethwch, dinoethwch

Hyd at y sylfaen ynddi hi.”

8O ferch Babilon, y ddifrodedig,

Dedwydd a lawn-dalo i ti

Dy weithred a’r a wnaethost i ni!

9Dedwydd a gymmero afael ar, ac a chwilfriwio,

Dy blant di yn erbyn y graig!