Psalmau 56 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1I’r blaengeiniad. Ar (don y gân) “Colommen fud y pellenigwyr”.

Eiddo Dafydd. Ysgrifen, pan ddaliodd y Philishtiaid ef yn Gath.

2Bydd radlawn wrthyf, O Dduw, canys dyhëu am danaf y mae dyn,

Beunydd, gan ymladd, y’m gorthrymma;

3Dyhëu am danaf y mae fy ngelynion beunydd,

Canys llawer (sy)’n rhyfela i’m herbyn yn drahäus.

4Y dydd yr ofnwyf,

Myfi ynot Ti a ymddiriedaf;

5Yn Nuw y clodforaf Ei air,

Yn Nuw yr ymddiriedaf heb ofn;

—Pa beth a wna cnawd i mi?

6Beunydd i’m matterion y perant flinder.

Yn fy erbyn (y mae) eu holl feddyliau, er drwg:

7Ymgasglant, fy marcio y mae y rhai hyn, fy olion a wyliant hwy,

Canys disgwyliant am fy enaid:

8 Trwy ddrygioni (y mae) diangc ganddynt hwy,

Mewn llid tafl Di’r bobloedd i lawr, O Dduw!

9Fy nghrwydriadau a gyfrifaist Ti Dy hun;

Dyro fy nagrau yn Dy gostrel;

Onid (ydynt) yn Dy lyfr Di?—

10Yna y dychwelir fy ngelynion yn eu gwrthol yn y dydd y llefwyf (Arnat):

Hyn a wn, am (fod) Duw gyda mi.

11Yn Nuw y clodforaf (Ei) air!

Yn Nuw y clodforaf (Ei) air!

12Yn Nuw yr ymddiriedaf heb ofn:

—Pa beth a wna cnawd i mi?

13Arnaf fi, O Dduw, (y mae) Dy addunedau.

Talaf ddïolch i Ti,

14Canys gwaredaist fy enaid rhag angau,

—Oni (waredaist) fy nhraed rhag syrthio?—

Fel y rhodiwn ger bron Duw

Yngoleuni bywyd!