Psalmau 91 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Yr hwn sy’n trigo yn amgeledd y Goruchaf,

Ynghysgod yr Hollalluog yr erys efe!

2Dywedais am Iehofah, “Fy noddfa a’m hamddiffynfa,

Fy Nuw, ymddiriedaf ynddo Ef:”

3 Canys Efe a’th achub o fagl yr heliwr,

(Ac) o’r haint dinystriol;

4A’i asgell y gorchuddia Efe drosot ti,

A than Ei adennydd yr ymnoddi,

Tarian ac astalch (yw) Ei ffyddlondeb Ef;

5Nid ofni rhag y dychryn liw nos,

Rhag y saeth a ehedo ’r dydd,

6Rhag yr haint a rodio yn y tywyllwch,

Rhag y cornwyd a anrheithio ganol dydd,

7Fe syrth wrth dy ystlys fil,

A deng mil wrth dy ddeheulaw,

Attat ti ni nesâ efe,

8Yn unig â’th lygaid yr edrychi (arno),

A thâl yr annuwiolion a weli.

9“Canys Tydi, O Iehofah, (yw) fy noddfa!”

Y Goruchaf a osodaist yn breswylfa i ti;

10 Ni ddigwydd i ti ddrwg,

A phla ni neshâ at dy babell,

11Canys i’w angylion y gorchymyn Efe am danat ti

I’th gadw yn dy holl ffyrdd,

12—Ar eu dwylaw y’th ddygant

Rhag taro wrth garreg gan dy droed; —

13Ar y llew a’r asp y sethri,

Methri y llew ieuangc a’r ddraig.

14“O herwydd mai wrthyf Fi y glynodd, diangc a roddaf iddo,

Mewn uchelfa y dodaf ef o herwydd adnabod o hono Fy enw,

Geilw Arnaf Fi—a gwrandawaf arno;

15Gydag ef Myfi (fydd) mewn cyfyngder,

Rhyddâf ef, a gogoneddaf ef;

16A hir ddyddiau y diwallaf ef,

A pheraf iddo weled Fy iachawdwriaeth.”