1Wele, mewn cyfiawnder y teyrnasa brenhin,
A thywysogion mewn barn a lywodraethant,
2A bydd gwr megis yn ymguddfa (rhag) y gwỳnt, ac yn lloches (rhag) y dymmestl,
Megis afonydd dyfroedd mewn sychdir,
Megis cysgod craig fawr mewn tir sy’n dyddfu.
3Arno ef yr edrych llygaid y rhai sy’n gweled,
A chlustiau y rhai sy’n clywed a wrandawant.
4A chalon y rhai byrbwyll a ddeall wybodaeth,
A thafod y rhai bloesg a brysura i lefaru ’n eglur.
5Ni elwir mwy y coegddyn yn odidog,
Ac am y cybydd ni ddywedir, Hael (yw).
6Canys y coegddyn, coegni a draetha efe,
A’i galon a lunia anwiredd,
Gan ymarfer â rhagrith, a thraethu yn erbyn Iehofah gamwedd,
Gan ddyhyspyddu enaid y newynog;
A diod y sychedig a wna efe i ballu.
7A’r cybydd, ei arfau ef (sydd) ddrygionus,
Efe dichellion a ddychymmyg
I faglu ’r trueiniaid trwy ymadroddion gau,
Ac i ddiddymmu geiriau ’r anghenus mewn barn.
8Ond y godidog, godidowgrwydd a ddychymmyg efe,
Ac efe ar odidowgrwydd a sirchêir.
9Chwi wragedd segurllyd, cyfodwch, clywch fy llais,
Chwi ferched dïofal, gwrandeŵch fy ymadrodd.
10Dyddiau a blynyddoedd y’ch aflonyddir, chwi ddïofal rai,
Canys pallodd y cynhauaf gwin, cynnull ni ddaw.
11Ofnwch chwi rai segurllyd, aflonydded chwi rai dïofal,
Gan ymddïosg ac ymnoethi, a gwregysu (â sachlïain)
12Am eich llwynau, am eich bronnau.
Galarwch am y maes dymunawl, am y winwỳdden ffrwythlawn.
13Ar dir Fy mhobl drain a mieri a gyfodant,
Ië ar bob tŷ llawenydd, (ar) y ddinas hyfryd;
14Canys y llŷs a wrthodwyd, y liosog ddinas a adawyd,
Ophel a’r wylfa fyddant yn ogofeydd yn dragywydd,
Yn hyfrydwch asynod gwỳlltion, yn borfa diadellau,
15Hyd oni thywallter arnom yr yspryd o’r ucholder,
A bod yr anialwch yn faes ffrwythlawn,
A’r maes ffrwythlawn yn goedwig a gyfrifer.
16Ac fe drig yn yr anialwch farn,
A chyfiawnder yn y maes ffrwythlawn a erys.
17A 2gwaith 3cyfiawnder 1fydd heddwch,
A gweithred cyfiawnder lonyddwch a dïogelwch yn dragywydd.
18Ac fe drig Fy mhobl mewn preswylfa heddychlon,
Ac mewn anneddau dïogel,
Ac mewn gorphwysfaoedd llonydd.
19Ond cenllysg (a fydd) yn disgyn ar y goedwig,
Ac mewn lle isel isel-adeiledir y ddinas.
20Gwỳn eich byd wrth hau ger llaw pob dyfroedd,
Wrth ddanfon allan draed yr ŷch a’r asyn.
Who We AreWhat We EelieveWhat We Do
2025 by iamachristian.org,Inc All rights reserved.
