Eshaiah 56 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Fel hyn y dywed Iehofah,

Cedwch farn a gwnewch gyfiawnder,

Canys agos Fy iachawdwriaeth, ar fedr dyfod,

A’m cyfiawnder ar fedr ymddangos.

2Gwyn ei fyd y truan o ddyn ac a wnelo hyn,

A mab dyn a ymaflo ynddo,

Gan gadw’r sabboth rhag ei halogi,

A chan gadw ei law rhag gwneuthur dim drwg.

3Ac na ddyweded y dïeithr fab

Yr hwn (sy) ’n ymlynu wrth Iehofah, gan ddywedyd,

Gan ddidoli y didolodd Iehofah fi oddi wrth Ei bobl;

Ac na ddyweded y disbaddedig,

Wele fi yn bren sych.

4Canys fel hyn y dywed Iehofah wrth y rhai disbaddedig,

Y rhai a gadwant Fy sabbothau,

Ac a ddewisant yr hyn a ymhyfrydais ynddo,

Ac (sy) ’n ymaflyd yn Fy nghyfammod I,

5Rhoddaf iddynt yn Fy nhŷ,

Ac o fewn Fy magwyrydd, goffadwriaeth ac enw

Gwell na meibion a merched;

Enw tragywyddol a roddaf iddynt,

Yr hwn ni thorrir ymaith.

6A meibion y dïeithr y rhai a ymlynant wrth Iehofah,

I’w wasanaethu Ef, a charu enw Iehofah,

I fod iddo Ef yn weision;

Pob un a gadwo’r sabboth rhag ei halogi,

A’r rhai sy ’n ymaflyd yn Fy nghyfammod,

7Dygaf hwynt at fynydd Fy sancteiddrwydd,

A llawenychaf hwynt yn nhŷ Fy ngweddi,

Eu poeth offrymmau a’u haberthau (fyddant) yn foddhâol ar Fy allor;

Canys Fy nhŷ i, tŷ gweddi y gelwir ef i’r holl bobloedd.

8Medd yr Arglwydd Iehofah

Yr Hwn (sy) ’n casglu gwasgaredigion Israel,

Etto Mi a gasglaf atto ef, at ei gasgledigion ef.

9 Holl fwystfilod y maes,

Deuwch i ddifa, holl fwystfilod y coed.

10Ei wyliedyddion sydd ddall i gyd, ni wyddant (ddim),

Hwynt oll (ydynt) gŵn mudion, ni fedrant gyfarth,

Yn breuddwydio, yn gorwedd, ac yn caru hepian.

11Ië, y cŵn cadarn o yspryd,

Ni wyddant ddigonoldeb;

A’r rhai hyn yn fugeiliaid

Na fedrant ddeall;

Hwynt oll i’w ffordd eu hun y troisant,

Pob un i’w elw heb derfyn iddo;

12Deuwch (meddant) cyrchaf win,

A dyhysbyddwn ddiod gadarn;

A bydd hi, megis y dydd hwn, (felly) y foru,

Yn helaeth, yn ormeddawl odiaeth.