Psalmau 63 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Psalm o eiddo Dafydd, pan oedd efe yn niffaethwch Iwdah.

2O Dduw, fy Nuw Tydi (ydwyt), ceisiaf Di,

Sychedu am Danat y mae fy enaid,

Nychu am Danat y mae fy nghorph

Mewn tir cras, ac yn llesmeirio heb ddwfr:

3 Felly yn Dy gyssegr y golygwn Di;

Gan weled Dy gadernid a’th ogoniant,

4Canys gwell Dy radlondeb Di nâ bywyd;

Fy ngwefusau a’th foliannant:

5Felly y’th fendithiaf trwy fy mywyd,

Yn Dy enw Di y dyrchafaf fy nwylaw.

6Megis â brasder ac ireiddra y gorddigonir fy enaid,

Ac â gwefusau yn llawen-ganu y clodfora fy ngenau,

7Pan y’th gofiwyf ar fy ngwasarn,

Ac yngwyliadwriaethau’r nos y myfyriwyf Arnat,

8Canys buost gynhorthwy i mi,

Ac ynghysgod Dy adennydd y llawen-ganaf:

9Glynodd fy enaid wrthyt Ti,

A’m cynnal a wnaeth Dy ddeheulaw;

10Ond y rhai yna,—i ddistryw y ceisiant fy enaid:—

Aent hwy i waelodion y ddaear,

11Traddoded (dynion) hwynt i law y cleddyf,

Rhan gweision y llew y byddont hwy!

12Ond bydded i’r Brenhin lawenychu yn Nuw!

Ymorfoledded pob un a dyngo wrtho Ef,

Canys cauir genau adroddwyr celwydd!