Diarhebion 25 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Hefyd y rhai hyn (sydd) ddiarhebion Shalomo, y rhai a gasglodd gwŷr Hezeciah, brenhin Iwdah.

2Anrhydedd Duw (yw) celu peth,

Ond anrhydedd brenhinoedd (yw) chwilio peth allan.

3Y nefoedd am uchder, y ddaear am ddyfnder,

A chalon brenhinoedd nid oes ei chwilio allan.

4Symmud ymaith sothach oddiwrth yr arian,

A daw allan i’r gôf-arian lestr;

5Symmud ymaith annuwiolyn o wydd brenhin,

A sicrhêir ei orseddfaingc trwy gyfiawnder.

6Nac ymfalchïa ger bron brenhin,

Ac yn lle ’r mawrion na saf;

7Canys gwell dywedyd wrthyt, “Tyred i fynu yma,”

Na chael dy iselu ger bron tywysog

Yr hwn a welodd dy lygaid.

8Na ddos allan i ymddadleu, ar frys,

Rhag—pa beth a wnei yn niwedd hyny,

Pan y’th waradwydda dy gydymddadleuwr.

9Dy ddadl dadl gyda ’th gydymddadleuwr,

Ond cyfrinach neb arall na ddatguddia;

10Rhag i’r neb a glywo, dy waradwyddo,

Ac i’th ddrygair beidio â throi ymaith.

11Afalau aur ymysg lluniau arian

(Yw) gair a leferir yn gyflym.

12Clustdlws aur, a gem werthfawr,

(Yw) argyhoeddwr doeth, i’r glust a wrandawo.

13Fel oeriad âg eira yn amser cynhauaf

(Yw) cennad ffyddlon, i’w ddanfonwr;

Ac enaid ei arglwydd a ddadebra efe.

14Cymmylau a gwynt,—ond heb wlaw,

(Yw)’r dyn a ymfolianno mewn rhoddion twyllodrus.

15Trwy hir-ymaros y perswadir tywysog,

A thafod tyner a dyr asgwrn.

16I fêl y cefaist hyd,—bwytta i’th ddigonedd,

Fel na’th orlawner o hono, a’i chwydu;

17Anfynych dod dy droed yn nhŷ dy gymmydog,

Rhag y gorddigonir ef o honot, a’th gashau.

18Clwpa, a chleddyf, a saeth lem

(Yw)’r gwr a ettyb yn erbyn ei gymmydog, yn dyst gau.

19Dant yn torri, a throed yn honciaw

(Yw) hyder ar y bradychus, yn nydd cyfyngder.

20A ddïosgo wisg yn amser oerfel

(Sydd) finegr ar archoll,

A chanwr caniadau i galon salw.

21Os newyna dy elyn, bwyda ef â bara,

Ac os sycheda, dïotta ef â dwfr;

22Canys marwor tydi a bentyrri ar ei ben ef,

Ac Iehofah a dâl i ti.

23Gwynt y gogledd a bair wlaw,

A gwyneb digllon (a bair) tafod dirgel.

24 Dyfroedd oerion i enaid lluddedig,

A newyddion da o wlad bell.

26Ffynnon wedi ei chythryblu a tharddell lygredig

(Yw)’r cyfiawn yn honciaw ger bron yr annuwiol.

27Bwytta mel lawer, nid da (yw),

A chwilio eu hanrhydedd (sydd) drwm.

28Dinas fylchedig, heb gaer,

(Yw) ’r gwr nad oes ganddo attal ar ei yspryd.