Iöb 12 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Yna yr attebodd Iöb a dywedodd,

2 Dïammeu mai chwychwi (yw) ’r bobl,

A chyda chwychwi y bydd marw doethineb.

3Gennyf finnau hefyd (y mae) deall fel chwithau,

Nid cael codwm (yr wyf) fi gennych chwi.

A chyda phwy nid (yw) ’r fath bethau a’r rhai hyn?

4Gwatworgerdd i’w gyfaill wyf fi. —

Un a alwodd ar Dduw ac Efe a’i hattebodd, —

Gwatworgerdd (yw) ’r cyfiawn, — a’r perffaith!

5 Lamp ddirmygedig (wyf) i feddwl yr hwn sydd wrth ei fodd,

Yn barod i’r rhai gwegiawl o droed:

6Dïogel yw eu

7 ddaear a hi a’th ddysg,

Ac fe ddywaid pysgod y môr i ti:

9Pwy na ŵyr ym mysg y rhai hyn oll

Mai llaw Iehofah a grëodd hyn,

10Yr Hwn, yn Ei law Ef (y mae) einioes pob peth byw,

Ac anadl pob cnawd dyn.

11 “Onid y glust a brofa ymadroddion

Fel y mae taflod y genau yn archwaethu bwyd iddo?”

12Yn y penwyniaid (y mae) doethineb,

Ac hir ddyddiau (ydynt) ddeall.

13Gydag Ef (y mae) doethineb a chadernid,

Ganddo Ef (y mae) cynghor a deall;

14Wele, Efe a ddistrywia — ac nid adeiledir,

Efe a gau ar wr — ac ni ryddhêir ef;

15Wele, Efe a ettyl ddyfroedd — a sych ydynt,

Efe a’u denfyn allan — a hwy a ddadymchwelant y ddaear;

16Gydag Ef (y mae) nerth a doethineb,

Iddo Ef (y perthyn) y camarweiniedig a’r camarweinydd;

17Yr Hwn sy’n gyrru Cynghorwŷr yn anrhaith,

A Barnwŷr y mae Efe yn eu hynfydu;

18Cystwyedigaeth Brenhinoedd Efe a ddettyd,

Ac a rwym gadwyn am eu llwynau;

19Yr Hwn sy’n gyrru Offeiriaid yn anrhaith,

A Phendefigion Efe a ddadymchwel;

20Yr Hwn sy’n dwyn ymaith leferydd Ymddiriededigion,

A barn Henuriaid Efe a gymmer i ffwrdd;

21Yr Hwn sy’n tywallt dirmyg ar Dywysogion,

A gwregys y Cedyrn Efe a laccia;

22Yr Hwn sy’n datguddio pethau Dyfnion allan o dywyllwch,

Ac yn dwyn allan i’r goleuni Gysgod angeuaidd;

23Yr Hwn sy’n mawrhâu Cenhedloedd, ac a’u distrywia,

Yr Hwn sy’n ehangu ar Genhedloedd, ac a’u harwain ymaith;

24Yr Hwn sy’n dwyn ymaith synwyr Pennaethiaid pobl y ddaear,

Ac a wna iddynt gyfeiliorni mewn anialwch heb ffordd, —

25Palfalu a wnant hwy mewn tywyllwch, ac heb oleuni,

Ac Efe a wna iddynt gyfeiliorni fel meddwŷn.