1(Psalm) o eiddo Dafydd.
Barn fi, O Iehofah!
Canys myfi, yn fy niniweidrwydd yr ymrodiais,
Ac yn Iehofah yr ymddiriedais heb anwadalu o honof.
2Prawf fi, O Iehofah, a chwilia fi,
Hola fy arennau a’m calon!
3Canys Dy radlondeb Di (sydd) o flaen fy llygaid,
Ac ymrodio yr wyf yn Dy wirionedd;
4Nid eisteddais gyda phobl ddrygionus,
A chyda phobl ymguddgar nid aethum;
5Cashâu yr wyf gynnulleidfa’r drwgweithredwyr,
A chyda’r annuwiolion nid eisteddaf;
6Golchaf fy nwylaw mewn diniweidrwydd,
Ac amgylchaf Dy allor Di, O Iehofah,
7I lefaru â llais diolchgarwch,
Ac i fynegi Dy holl ryfeddodau;
8O Iehofah, caru yr wyf drigfan Dy dŷ Di,
A lle preswylfa Dy ogoniant!
9Na ddwg ymaith fy enaid ynghŷda’r pechaduriaid,
Na’m bywyd ynghyda’r dynion gwaedlyd!
10Y rhai (y mae) yn eu dwylaw ddrygioni,
A’u deheulaw yn llawn ariandag:
11Eithr myfi, yn fy niniweidrwydd yr wyf yn rhodio;
Gollwng fi yn rhŷdd, a bydd radlawn wrthyf!
12Fy nhroed (sydd) yn sefyll ar yr union,
Yn y cynnulleidfaoedd y bendithiaf Iehofah.
Who We AreWhat We EelieveWhat We Do
2025 by iamachristian.org,Inc All rights reserved.
