Psalmau 21 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1I’r blaengeiniad. Psalm o eiddo Dafydd.

2O Iehofah, yn Dy nerth Di y llawenycha ’r Brenhin;

Ac yn Dy gymmorth Di mor ddirfawr yr ymhyfryda efe!

3Chwennychiad ei galon a roddaist iddo,

A dymuniad ei wefusau ni ommeddaist,

4Eithr achubaist ei flaen ef â bendithion daioni,

Gosodaist ar ei ben ef goron o aur coeth;

5Am oes y gofynodd efe i Ti — Ti a’i rhoddaist,

—(Ië) hirder dyddiau, yn dragywydd ac am byth;

6Mawr (yw) ei ogoniant trwy Dy gymmorth Di,

Ardderchowgrwydd a gorwychedd a osodaist arno;

7Ië, gosodi ef yn fendith hyd byth,

Llawenychi ef â llawenydd ger Dy fron,

8Canys y Brenhin a ymddiried yn Iehofah,

A thrwy radlondeb y Goruchaf ni siglir ef.

9Gafael a gaiff Dy law ar Dy holl elynion,

Dy ddeheulaw a gaiff afael ar Dy gaseion;

10Gwnei hwynt fel ffwrn dân yn amser Dy ymddangosiad, Iehofah yn Ei lid a’u distrywia hwynt,

A’u bwytta a wnaiff y tân;

11Eu ffrwyth, oddi ar y ddaear y’i distrywi,

A’u hâd o blith meibion dynion:

12Er iddynt daenu yn Dy erbyn Di ddrwg,

(A) bwriadu drwg-amcan, nis gallant ddim,

13Canys gwnei iddynt droi eu cefnau,

Ar Dy linynnau yr anneli yn erbyn eu gwynebau.

14Ymddyrcha, O Iehofah, yn Dy nerth!

Per-leisiwn, ac âg offer cerdd y canwn Dy gadernid.