Eshaiah 6 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Yn y flwyddyn y bu farw ’r brenhin Wzziah y gwelais Iehofah yn eistedd ar orsedd-faingc uchel a dyrchafedig, ai odre yn llenwi ’r deml;

2Seraphiad (oedd) yn sefyll uwch Ei ben Ef; chwech adain ydoedd i bob un; â dwy y cuddiai ei wyneb, ac â

3dwy y cuddiai ei draed, ac â dwy yr ehedai. A llefodd y naill wrth y llall, a dywedodd,

Sanct, Sanct, Sanct, Iehofah y lluoedd,

Llawn yw’r holl ddaear o’i ogoniant Ef.

4A symmudwyd pyst y rhiniogau gan lef yr hwn oedd yn llefain, a’r tŷ a lanwyd gan fŵg.

5A dywedais Gwae fi; aethum yn fud o herwydd gwr halogedig (ei) wefusau (ydwyf) fi, ac ym mysg pobl halogedig o wefusau, yr wyf fi yn trigo; canys y Brenhin, Iehofah y lluoedd,『2fy llygaid』a 1welsant.

6Yna yr ehedodd attaf un o’r Seraphiaid, ac yn ei law farworyn;

7mewn gefail y cymmerodd efe ef oddi ar yr allor, a rhoes ef i gyffwrdd â ’m genau, a dywedodd;

Wele, cyffyrddodd hwn â ’th wefusau,

Ymadawodd dy anwiredd, a thros dy bechod y gwnaethpwyd cymmod.

8Clywais hefyd lef Iehofah yn dywedyd, Pwy a anfonaf? a phwy a aiff drosom ni, a mi a ddywedais Wele fi, anfon fi.

9Ac efe a ddywedodd; —

Dos a dywed wrth y bobl hyn;

Clywch gan glywed, ond ni ddeallwch;

A gwelwch gan weled, ond ni wybyddwch.

10Brasâ galon y bobl hyn,

A’u clustiau trymhâ, a’u llygaid cau,

Rhag iddynt weled â’u llygaid, ac â’u clustiau glywed,

Ac â’u calon ddeall, a dychwelyd, a’u meddyginiaethu.

11A dywedais, Pa hyd, Iehofah? Ac efe a ddywedodd; —

Hyd oni anrheithier dinasoedd, (fel y bônt) heb drigiannydd,

A thai (fel y bônt) heb ddyn,

Ac y 2gadawer『1y wlad』yn gwbl anghyfannedd:

12Ac hyd oni bellhâo Iehofah ddynion,

Ac yr amlhâer y gwragedd gadawedig ynghanol y wlad.

13Ac er y bo etto ynddi ddegwm,

Hyn yn chwanegol a fydd i’w ddistrywio.

Ond fel y brinwydden a’r dderwen, y rhai er bwrw (eu dail, y mae) eu bon-cyff ganddynt,

(Felly) hâd sanctaidd (fydd) ei bon-cyff hi.