Eshaiah 15 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1 yr ymadrodd ynghylch moab.

O herwydd y nos y distrywiwyd Ar, Moab a ddistawyd,

O herwydd y nos y distrywiwyd Cir, Moab a ddistawyd;

2Efe a aiff i fynu i Beth-Dibon, i’r uchelfeydd, i wylo,

Am Nebo ac am Medeba y bydd i Moab udo;

Ar bob pen y mae moelni, pob barf a eilliwyd.

3Yn ei heolydd yr ymwregysant â sachlïain;

Ar bennau ei thai ac yn ei heolydd

Y mae pob un yn udo, (ac) yn disgyn gan wylo.

4Gwaeddi y mae Heshbon ac Elealah,

Hyd Iahats y clywir eu llefain hwynt;

Am hynny llwynau Moab a floeddiant,

Ar ei heinioes y blina hi.

5Calon Moab sy’n gwaeddi yn ei hyspryd

Hyd Tsoar, fel anner deirblwydd;

Ië, gallt Lwhith gan wylo a ddringant hwy,

Ië, (ar hyd) ffordd Horonäin gwaedd dinystr a godant hwy;

6O herwydd dyfroedd Nimrim yn anial a fyddant,

Canys gwywodd y gwair, darfu ’r glaswellt, gwyrddlesni nid oes (mwyach.)

7Am hynny y golud a ennillasant a dderfydd,

A’r hyn a roisant i gadw, i ddyfryn yr helyg a ddygant hwy.

8Canys fe amgylchyna ’r gwaeddi derfyn Moab;

Hyd Egläim (y mae) ’r udfa, hyd Beer-Elim yr udfa.

9Ië, dyfroedd Dimon a lanwyd o waed;

Etto gosodaf ar Ddimon ychwaneg,

Ar ddiangcedigion Moab ac Ariel, ac ar weddill Admah.