Psalmau 46 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1I’r blaengeiniad. I feibion Corah. Soprano. Cân.

2Duw (sydd) i ni yn noddfa a nerth,

Cymmorth yngyfyngderau y canfyddwyd Ef yn ddirfawr;

3Gan hynny nid ofnem pe newidiai Efe y ddaear,

Ac wrth honcian o’r mynyddoedd i galon y moroedd,

4Pe rhuai, pe berwai Ei ddyfroedd Ef,

Pe cynhyrfer y mynyddoedd gan ei ardderchowgrwydd Ef. Selah.

5Afon (a)’i ffrydanau sy’n llawenhâu dinas Dduw,

Cyssegr preswylfeydd y Goruchaf;

6Duw (sydd) ynddi hi,—nid ysgog hi,

Duw a’i cynnorthwya ar ddychweliad y bore.

7Rhuodd y cenhedloedd,—ysgogodd teyrnasoedd,

Rhoddodd Efe Ei lais,—ymddattododd y ddaear.

8Iehofah y lluoedd (sydd) gyda ni,

Uchelfa i ni (yw) Duw Iacob! Selah.

9Deuwch, edrychwch ar weithredoedd Iehofah,

Yr Hwn a wnaeth bethau aruthrol ar y ddaear,

10Yr Hwn a ettyl ryfeloedd hyd eithaf y ddaear,

Y bwa a chwilfriwia Efe,—tyr ymaith flaen y waywffon,

Y cerbydau a lysg Efe mewn tân.

11 “Peidiwch, a chydnabyddwch mai Myfi (sy) Dduw,

Dyrchafedig wyf ymhlith y cenhedloedd, Dyrchafedig wyf ar y ddaear.”

Iehofah y lluoedd (sydd) gyda ni,

Uchelfa i ni (yw) Duw Iacob! Selah.