Psalmau 20 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

XX.

1I’r blaengeiniad. Psalm o eiddo Dafydd.

(Y bobl)

2Gwrandawed Iehofah arnat yn nydd cyfyngder,

Uchelfa it’ fyddo enw Duw Iacob!

3Danfoned Efe dy gymmorth o’r cyssegr,

Ac o Tsïon cynhalied di!

4Cofied Efe dy holl roddion,

A barned dy boeth offrymmau yn freision! Selah.

5Rhodded Efe i ti wrth fodd dy galon,

A’th holl fwriad cyflawned Efe!

6Llawen-ganu a wnawn ni yn dy waredigaeth,

Yn enw ein Duw y dyrchafwn (ein) llumman;

Cyflawned Iehofah dy holl ddeisyfiadau!

(Off:)

7Yn awr y gwn y gweryd Iehofah Ei enneiniog,

Y gwrendy Efe arno o nefoedd Ei sancteiddrwydd,

Ynghadernid gwaredigaeth Ei ddeheulaw!

8(Gorfoledda) rhai mewn cerbydau, a rhai mewn meirch,

Ond nyni,—yn enw Iehofah ein Duw y gorfoleddwn.

9Hwynt-hwy a ymgrymmant ac a syrthiant,

Ond nyni a ymgodwn ac a safwn.

(Y bobl)

10O Iehofah, gwared Di ’r Brenhin!

Gwrandawed Efe ni yn y dydd y galwom Arno!