Psalmau 54 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1I’r blaengeiniad tros yr offer tannau.

2Awdl addysgiadol o eiddo Dafydd, pan ddaeth y Ziphiaid a dywedyd wrth Shäwl, “Onid (ydyw) Dafydd yn ymguddio gyda ni?”

3O Dduw, trwy Dy enw achub fi,

A thrwy Dy gadernid gwna farn i mi;

4O Dduw, clyw fy ngweddi,

Gwrando eiriau fy ngenau!

5Canys dïeithriaid a gyfodasant i’m herbyn,

A’r angerddol rai a geisiant fy enaid,

Ni osodasant Dduw o’u blaen. Selah.

6Wele, Duw (sydd) yn fy nghynnorthwyo,

Yr Arglwydd (sydd) ym mysg cynnalwyr fy enaid;

7Fe dâl Efe y drwg i’m gelynion; —

—Yn Dy ffyddlondeb diddyma hwynt!

8O wirfodd yr aberthaf i Ti,

Clodforaf Dy enw, O Iehofah, canys da (yw);

9Canys o bob cyfyngder y syllodd fy llygad.