Eshaiah 45 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1Fel hyn y dywed Iehofah wrth Ei enneiniog,

Wrth Cyrus, yr hwn yr ymaflaf Fi yn ei ddeheulaw

I ddarostwng o’i flaen ef genhedloedd;

A llwynau brenhinoedd a ddadwregysaf;

I agoryd o’i flaen ef ddorau,

A’r pyrth ni cheuir.

2Myfi a âf o’th flaen di,

A ’r mynyddoedd a wastattâf,

Y dorau pres a chwilfriwiaf,

A’r barrau heiyrn a ddrylliaf.

3A rhoddaf i ti drysorau ’r tywyllwch,

A (chyfoeth) dirgeledig y cuddfëydd,

Fel y gwypych mai Myfi (yw) Iehofah,

Yr Hwn a’th alwodd erbyn dy enw, Duw Israel.

4 Er mwyn Iacob Fy ngwas,

Ac Israel Fy etholedig,

Y ’th elwais erbyn dy enw,

Y cyfenwais di er na ’m hadweinit.

5Myfi (yw) Iehofah, ac nid (oes) arall,

Heblaw Fi nid (oes) Duw.

Gwregysaf di, er na ’m hadweinit,

6Er mwyn iddynt wybod o godiad haul,

Ac o’r gorllewin, nad neb ond Myfi,

Mai Myfi (yw) Iehofah, ac nad arall,

7Lluniwr goleuni, a Chreawdydd tywyllwch,

Gwneuthurwr heddwch, a Chreawdydd drygfyd;

Mai Myfi Iehofah (yw) Gwneuthurwr yr holl bethau hyn.

8Defnynwch, nefoedd oddi uchod,

A bydded i ’r cymmylau dywallt i lawr gyfiawnder,

Ymagored y ddaear, a ffrwythed iachawdwriaeth,

A blodeued cyfiawnder ynghŷd:

Myfi Iehofah a’i creais.

9Gwae a ymrysono â ’i Luniwr,

Y briddell â gweithwŷr y pridd.

A ddywed y clai wrth ei luniwr, Beth a wnei?

Neu ’r gwaith, Nid (oes) dwylaw gennyt?

10Gwae a ddywedo wrth ei dad, Beth a genhedli?

Neu wrth y wraig, Ar beth yr esgoraist?

11Fel hyn y dywed Iehofah, Sanct Israel a’i Luniwr,

『2Gofynwch i Mi』 『1y pethau a ddaw』 ar Fy meibion,

Ac am waith Fy nwylaw rhoddwch orchymyn i Mi!

12Myfi a wnaethum y ddaear,

A dyn arni a greais I,

Fy nwylaw a estynasant y nefoedd,

A’u holl luoedd a orchymmynais.

13 Myfi a’i cyfodais ef mewn cyfiawnder,

A’i holl ffyrdd a wastattâf,

Efe a adeilada Fy ninas, a’m caethion a ollwng efe

Nid am werth na gobrwy;

Medd Iehofah y lluoedd.

14Fel hyn y dywed Iehofah,

Llafur yr Aipht, a marsiandiaeth Ethiopia,

A’r Sabeaid, dynion o faint;

Attat ti y deuant hwy, ac eiddot ti a fyddant,

Ar dy ol di y rhodiant, mewn cadwyni y deuant,

Ac i ti yr ymgrymmant, ac attat y gweddiant.

Yn ddïau, ynot ti (y mae) Duw,

Ac nid (oes) arall, na nid (oes) Duw.

15Yn ddïau, Tydi (wyt) Dduw yn ymguddio,

O Dduw Israel, Iachawdwr.

16Cywilyddiwyd, hyd y nod gwaradwyddwyd hwynt oll,

Ynghŷd yr ânt i waradwydd, (sef) gwneuthurwŷr delwau.

17Israel a gaiff Iachawdwriaeth yn Iehofah âg iachawdwriaeth dragywyddol,

Ni’ch cywilyddir, ac ni’ch gwaradwyddir byth bythoedd.

18Canys fel hyn y dywed Iehofah,

Creawdydd y nefoedd, Efe (sy’) Dduw;

Lluniwr y ddaear a’i Gwneuthurwr, Efe a’i sicrhâodd hi;

Nid yn ofer y creodd Efe hi; i’w phreswylio y lluniodd hi;

Myfi (sydd) Iehofah, ac nid neb amgen.

19 Nid mewn dirgelwch y lleferais, mewn man 2tywyll o’r 1ddaear,

Ni ddywedais wrth hâd Iacob yn ofer, Ceisiwch Fi;

Myfi (wyf) Iehofah, yn llefaru cyfiawnder, ac yn mynegi pethau uniawn,

20Ymgesglwch a deuwch,

Cydnesêwch, rai dïangol oddi wrth y cenhedloedd,

Dim ni ŵyr y sawl a ddyrchafant goed, eu cerf-ddelw,

Ac a weddiant dduw na rydd iachawdwriaeth.

21Mynegwch, a nesêwch (hwynt); ië cydymgynghorent.

Pwy a hyspysodd hyn er cynt, er ystalm a’i mynegodd?

Onid Myfi Iehofah? ac nid (oes) 2Duw 1arall ond Myfi;

Duw cyfiawn, ac Iachawdwr; nid (oes Duw) heblaw Fi.

22Trôwch attaf fel y caffoch iachawdwrieth, holl gyrrau ’r ddaear,

Canys Myfi (sy’) Dduw, ac nid (oes) arall.

23I’m Fy hun y tyngais, aeth allan o’m genau wirionedd,

Gair, ac ni ddychwel,

Mai i Mi y plyga pob glin, y twng pob tafod;

24Yn ddïau yn Iehofah, y dywed (dyn, y mae) i mi gyfiawnder a nerth.

Atto Ef y deuir; a chywilyddir pawb a ddigiant wrtho:

Yn Iehofah y cyfiawnhêir, ac yr ymffrostia holl hâd Israel.