Eshaiah 18 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1 Ho! tir y symbalau adenog,

Yr hwn sydd tu hwnt i afonydd Cwsh,

2Yr hwn a hebrwng ar y môr genhadau,

Ac mewn llestri brwyn ar wyneb y dyfroedd.

Ewch, genhadau cyflym at genedl estynedig a llyfnedig,

At bobl ofnadwy er pan y maent, ac etto (felly),

Cenedl o linyn (ar) linyn, a sathredig,

Yr hon y dosbartha yr afonydd ei thir.

3Holl drigolion y byd a phreswylwŷr y ddaear,

Pan gyfoder llumman (ar) y mynyddoedd, edrychwch!

A phan udganer yr udgorn, clywch!

4Canys fel hyn y dywedodd Iehofah wrthyf,

Byddaf lonydd, a Mi a ystyriaf yn Fy anneddle,

Megis gwres eglur ar ol gwlaw,

Megis cwmmwl gwlith yn nydd y cynhauaf.

5 Canys o flaen cynhauaf, pan berffeithier y blaguryn,

Ac yn winronyn chwyddawl yr elo’r blodeuyn,

Efe a dyr y brig â chrymmanau,

A’r canghennau Efe a ddwg ymaith, Efe a’u tyr.

6Gadewir hwynt ynghŷd i aderyn gwancus y mynyddoedd,

Ac i fwystfilod y ddaear;

Ac hafoda arnynt yr aderyn gwancus,

A holl fwystfilod y ddaear arnynt a auafa.

7Yn yr amser hwnnw y dygir rhodd i Iehofah y lluoedd

(Gan) bobl estynedig a llyfnedig,

A chan bobl ofnadwy er pan y maent, ac etto (felly),

Cenedl o linyn (ar) linyn, a sathredig,

Yr hon y dosbartha yr afonydd ei thir,

I le enw Iehofah y lluoedd, mynydd Tsïon.