Iöb 41 - Welsh Translation by Thomas Briscoe 1894 (New Testament, Job, Psalms, Proverbs and Isaiah, and selections from Genesis and Exodus)

1A dynni di allan yr addanc â bach,

Ac â’r llinyn a ostyngi di ei dafod ef?

2A osodi di (dorch) frwyn ar ei drwyn ef,

Ac â modrwy (fettel) a dylli di ei ên?

3 A amlhâ efe ymbilion â thi?

A lefara efe wrthyt yn dyner?

4A wna efe ammod â thi?

A gymmeri di ef yn was tragywyddol?

5A chwareui di âg ef fel â mân aderyn,

Ac a rwymi di ef i’th langcesau?

6Ai marchnatta uwch ei ben ef a wna ’r (pysgodwŷr) cymdeithasawg,

A’i gyfrannu ef rhwng y marsiandwŷr?

7A lenwi di ei groen ef â phiccellau,

A’i ben â physg-dryferau?

8Dyro dy law arno ef,

(A) chofio am ryfel ni wnei eilwaith:

9Wele ei obaith a geir yn gelwyddog;

Onid, hyd yn oed ar y golwg o hono, y cwymp efe?

10Nid (neb) mor ddewr ag a’i cynhyrfo ef,

Gan hynny pwy (yw) efe a orsaif ger Fy mron I?

11Pwy a’m rhagflaenodd I, fel y talwyf?

— (Yr hyn sy) dan yr holl nefoedd, eiddo Fi efe!

12Nid tewi a wnaf am ei aelodau ef,

Ac am enwogrwydd ei gryfdwr, a gweddeidd-dra ei gyfluniad:

13Pwy a ddatguddia wyneb ei wisg ef?

At ddwy res ei enau ef pwy a ddaw?

14Dorau ei wyneb ef, pwy a’u hegyr?

Amgylchoedd ei ddannedd (ŷnt) ddychryn;

15Ardderchowgrwydd (yw) ei gryfion dariannau,

(Pob un) wedi ei chau arni â sêl gyfyng,

16Y naill yn y llall y cyssylltir hwy,

A’r gwŷnt ni ddaw rhyngddynt,

17Y naill wrth y llall y maent yn glynu,

Ymaflyd y maent ac nid ymwahanant:

18Ei disian ef a bair ddisgleirdeb y goleuni,

Ei lygaid (sydd) fel amrantau ’r wawr;

19Allan o’i safn ef, ffaglau sy’n dyfod,

Gwreichion tân sy’n ymddiangc,

20Allan o’i ffroenau ef y daw mŵg,

Fel (ped faent) bair a chwythid dani, a chrochân berwedig;

21Ei anadl, y glo a gynneu hi,

A fflam allan o’i safn ef sy’n dyfod;

22Yn ei wddf y trig cryfdwr,

Ac o’i flaen ef y dawnsia arswyd;

23Tagell ei gnawd ef sy’n glynu ynghŷd,

Fferf yw arno ef fel na syflo;

24Ei galon sydd fferf fel carreg,

A fferf yw fel maen isaf y freuan;

25Rhag ei ymgodiad ef y dychrynir gwroniaid,

Gan ddrylliadau (yspryd) hwy a ymgrwydrant:

26(Os) neshâ neb atto ef, ni ddeil y cleddyf,

Y waywffon, y bicell a’r llurig,

27Fel gwellt y cyfrif efe haiarn,

Ac fel pren pwdr bres;

28Nid peri iddo ffoi a wna hil y cawell saethau,

Yn sofl yr ymnewidia cerrig tafl iddo;

29Fel soflyn y cyfrifir clwpaod,

Ac efe a chwardd ar ben swn y gaflach:

30 Dano ef (y mae) pigau cragen,

Efe a daena og-ddyrnu ar y llaid;

31Berwi fel crochan y gwna efe i’r dyfnder,

Y môr a wna efe fel crochan ennaint,

32Ar ei ol ef y goleuir (ei) lwybr,

Cyfrifa (dyn) y dyfnder yn wallt llwyd:

33Nid (oes) ar y ddaear yr hyn a arglwyddiaetha arno ef,

(Ef), yr hwn a wnaethpwyd i fod heb arswyd;

34Ar bob dyrchafedig y tremia efe,

Efe, y brenhin ar holl feibion balchder.