1Na Imer ba Pasur, ɔsɔfoɔ a ɔyɛ AWURADE fie so titire no tee sɛ Yeremia reka adiyisɛm yi no,
2Pasur boroo Odiyifoɔ Yeremia, na ɔde no bɔɔ duam, Benyamin ponkɛseɛ a ɛwɔ soro, AWURADE fie mu no mu.
3Na adeɛ kyeeɛ no, Pasur yii Yeremia firii dua no mu. Na Yeremia ka kyerɛɛ no sɛ: Ɛnyɛ Pasur na AWURADE ato wo din, na mmom Magormisabib.
4Na sɛ AWURADE seɛ nie: Hwɛ, mereyɛ wo ehuyideɛ ama wo ho ne w’adɔfo nyinaa anim, na wɔatotɔ wɔn atamfoɔ afena ano, na w’ani bɛhunu, na mede Yuda nyinaa bɛhyɛ Babel hene nsa, na watu wɔn akɔ Babel, na ɔde afena akunkum wɔn.
5Yes 36.6 Na mɛyi kuro yi adedodoɔ ne emu mfasodeɛ aboɔdenneɛ nyinaa mama, na mede Yuda ahemfo akoradeɛ nyinaa mahyɛ wɔn atamfoɔ nsa, na wɔafomfom afa akɔ Babel.
6Na wo, Pasur, ne wo fiefoɔ nyinaa, mobɛkɔ nnommumfa mu, na wobɛkɔ Babel akɔwu wɔ hɔ, na wɔasie wo wɔ hɔ, wo ne w’adɔfoɔ a wohyɛɛ wɔn nkɔntorɔ no nyinaa.
Odiyifoɔ no abooboo denden7 Yer 1.7 Woagyegye me, AWURADE,
na mapene nnyegyeɛ no so.
Woatintim me so,
na woatumi.
Madane aseredeɛ daa nyinaa;
wɔn nyinaa di me ho fɛw.
8 Yes 49.4 Na daa merekasa a, ɛma meteam,
atiritirasɛm ne ɔsɛeɛ na ɛma mesu mefrɛ,
na AWURADE asɛm adane me
ahohora ne nsopa daa nyinaa.
9Na sɛ mese: Merenkae no
na meremmɔ ne din menkasa bio, a,
na ɛyɛ m’akoma mu sɛ ogya a ɛredɛre
a wɔato mu me nnompe mu;
mesɔ mu a mebrɛ ho,
na mentumi.
10 Dwom 31.3 Na mate nnipa pii nsekudie,
ehu wɔ afa nyinaa,
wɔse: Monkɔka, na yɛbɛkɔ akɔka atia no.
Nnipa a me ne wɔn nni asɛm biara
a wɔtete me ho nyinaa ka sɛ:
Ebia ɔbɛma wɔagyegye no,
na yɛatumi no,
na yɛatɔ yɛn were wɔ ne so.
11 Yer 1.8, 19; 15.20 Na AWURADE gyina m’akyiri sɛ dɔmmarima a ne ho yɛ hu,
ɛno nti m’atifoɔ bɛsuntisunti,
na wɔrentumi.
Wɔn ani bɛwuwu sɛ,
ɛfiri sɛ ɛrensi wɔn yie,
ɛyɛ daa nsopa
a werɛ remfire.
12 Yer 11.20 Na asafo AWURADE a wosɔ ɔteneneeni hwɛ,
hwɛ adwene ne akoma mu.
Wɔn so na mɛhunu wo aweretɔ,
na wo na mede m’asɛm madane woɔ.
13Monto dwom mma AWURADE,
monyi AWURADE ayɛ!
Na wayi ohiani kra
afiri nnipa bɔne nsam.
14 Yer 15.10; Hiob 3.1-10; 10.18 Nnome nka da
a wɔwoo me wɔ mu no!
Ɛda a me na woo me no,
mma wɔnnhyira no.
15Nnome nka onipa
a ɔde asɛmpa no brɛɛ m’agya sɛ:
Wɔawo ɔbabarima ama wo!
na ɔde maa n’ani gyee pii no.
16 Gye 19.24-25 Ma onii no nyɛ sɛ nkuro
a AWURADE abutubutuo wɔ anibereɛ so no;
ma no nte esu anɔpa
ne gyegyeegye awia ketee.
17Sɛ wankum me wɔ ɔyafunu mu,
na me na annane me damena
na manka ne yafunum daa nti.
18Adɛn nti mpo na mefirii yafunum firii adie,
sɛ merebɛhunu ɔbrɛ ne ahometeɛ,
na me nna ahi aniwuo mu!
Who We AreWhat We EelieveWhat We Do
2025 by iamachristian.org,Inc All rights reserved.
