Hiob 36 - Twer? Kronkron（ASWDC）

Elihu asɛnka a ɛtwa toɔ

1Na Elihu kɔɔ so sɛ:

2Ma me kwan kakra, na menkyerɛ wo,

na meda so wɔ nsɛm bi meka ma Onyankopɔn.

3Mɛfa me nimdeɛ afiri akyirikyiri,

na mede me yɛfoɔ no bem ama no.

4Na ampa, me nsɛm nyɛ atorɔ,

deɛ ɔdi mu nimdeɛ mu na ɔne wo wɔ hɔ yi.

5Hwɛ, Onyankopɔn yɛ ɔkɛseɛ,

na ɔmmu obi animtia, ɔyɛ ɔkɛseɛ, nteaseɛ tumi mu.

6 Dwom 72.4, 12 Ɔmma ɔbɔnefoɔ nnya nkwa,

na ɔde amanehunufoɔ bem ma wɔn.

7Ɔnyi n’ani mfiri ɔteneneeni so,

na ɔma wɔne ahemfo tena adwa so daa,

na wɔma wɔn so.

8Na sɛ wɔgu wɔn nkɔnsɔnkɔnsɔn,

na wɔde amaneɛ nhoma kye wɔn a,

9ɛnna ɔka wɔn nneyɛɛ kyerɛ wɔn,

ne wɔn mmarato, sɛ wɔama wɔn ho soɔ,

10 Hiob 33.16 na ɔbue wɔn aso ma atenetene,

na ɔka sɛ wɔnsane mfiri abusudeɛ ho.

11Sɛ wɔtie na wɔsom no a,

wɔwie wɔn nna di yiedie mu,

ne wɔn mfeɛ nso deɛ ɛyɛ wɔn dɛ mu.

12Na sɛ wɔantie a, wɔtɔ dadeɛ ano,

na wɔgyaa mu nimdeɛ a abɔ wɔn no mu.

13Na akoma mu ansuronyamefoɔ kora abufuo,

sɛ ɔkyekyere wɔn a, wɔnkoto nsrɛ.

14Wɔn kra wu mmeranteberɛ mu,

na wɔn nkwa sɛe sɛ nnwamamfoɔ deɛ no.

15 Hiob 36.10 Ɔyi ɔmanehunufoɔ n’amaneɛ mu,

na ɔbue wɔn aso ahodwan no mu.

16Anka ɔbɛgye wo nso afiri ahohiahia mu

akɔ deɛ ɛhɔ trɛ a ahokyere nnie hɔ,

na sradeɛ ayɛ wo pono so aduane ma.

17Nanso ɔbɔnefoɔ atemmuo ayɛ wo ma,

atemmuo ne atɛntenenee asɔ wo mu.

18Na mma abufuo nnnyegye wo nnkɔ ahiyie mu,

na mma agyedeɛ no dodoɔ nnhima w’ani.

19W’ahonyadeɛ anaa wo tumi ahoɔdenneɛ nyinaa

de wo bɛsi deɛ ahohiahia nnie hɔ anaa?

20Mpere anadwo ho,

sɛ ɛmmɛpra aman mfiri wɔn afa.

21Hwɛ yie, nnane w’ani nkɔ ahuhudeɛ so,

ɛfiri sɛ wopɛ ɛno mmom sene amanehunu.

22 Dwom 25.9 Hwɛ, Onyankopɔn di ne tumi mu asɛnkɛseɛ,

hwan ne ɔkyerɛkyerɛfoɔ sɛ ɔno?

23Hwan na ɔhyɛɛ no sɛdeɛ ɔnyɛ n’adeɛ mfa,

na hwan na ɔbɛka sɛ: Woadi asɛmmɔne?

24Kae sɛdeɛ wobɛkamfo ne nneyɛɛ

a adasa ato ho dwom no.

25Nnipa nyinaa hwɛ ara;

ɔdasani firi akyirikyiri hwɛ.

26Hwɛ, Onyankopɔn so, na yɛnni no;

ne mfeɛ dodoɔ nso mu nni hwehwɛbea.

27 Hiob 5.10 Ɔno na ɔtwe nsuo ntoantoa

a ɛsosɔ tɔ ne mununkum mu nsuo,

28na ɛfiri mununkum mu tɔ gu fam,

ɛtɔ pii gu nnipa so.

29 Dwom 104.3 Obi bɛtumi ate mununkum mu trɛ

ne ne ntomadan mu kurududuyɛ no ase anaa?

30 Dwom 18.14-15 Hwɛ, ɔtrɛ ne hann mu wɔ ne so,

na ɔkata ɛpo nhini so.

31Na ɛno na ɔde di aman asɛm,

ɔde aduane bebree nso ma.

32Ɔde hann katakata ne nsa ho,

na ɔhyɛ ma no kɔsi botaeɛ bi mu.

33Ne mmobom ka ne ho asɛm,

mmoakuo mpo ka asɛm fa ahum a ɛreba ho.