Nnwom 2 - Twer? Kronkron（ASWDC）

Deɛ AWURADE asra no no

1 Aso 4.25-30; Adi 11.18; 19.19 Adɛn nti na amanaman yɛ gyegyeegye,

na aman susu ade hunu yi?

2Asase so ahemfo sɔre gyina,

na atumfoɔ bom tu agyina

tia AWURADE ne deɛ wasra no no sɛ,

3 Yer 2.20; 5.5; Luk 19.14 Momma yɛmmubu wɔn mpokyerɛ,

na yɛnto wɔn nhoma mfiri yɛn ho ngu.

4 Dwom 37.13; 59.8 Deɛ ɔte soro no sere,

AWURADE di wɔn ho fɛw.

5 Yes 34 Ɛno na ɔbɛkasa akyerɛ wɔn n’abufuo mu,

na ɔde n’abufuhyeɛ bɛyi wɔn hu aka sɛ:

6Me AWURADE na masi me hene,

me bepɔ kronkron Sion so.

7 Dwom 89.26-29; Aso 13.33; Heb 1.5; 5.5 Na mɛka no deɛ AWURADE ahyɛ no.

AWURADE ase me sɛ: Me ba ne wo,

ɛnnɛ na mawo woɔ.

8 Dan 7.13-14 Bisa me, na mede amanaman bɛyɛ wo apɛgyadeɛ,

na mama woafa asase ano nohoa adi so

9 Adi 2.27; 12.5; 19.15 Wode dadeɛ poma bɛbubu wɔn,

na woabobɔ wɔn sɛ ɔnwomfoɔ ahina.

10Na afei, ahemfo, monhunu nyansa.

Asase so atemmufoɔ, montie afotuo.

11 Flp 2.12; Heb 12.28 Monsom AWURADE osuro mu,

na monni ahurisie ahopopoɔ mu.

12 1 Sa 10.1; Dwom 34.8; 84.12; Yes 30.18 Momfa nidie mapa mma no,

na ne bo amfu, na moanyera ɔkwan mu;

na aka kakra na n’abufuo adɛ.

Nhyira ne wɔn a wɔdwane kɔtoa no nyinaa.