Nnwom 11 - Twer? Kronkron（ASWDC）

AWURADE mu ahotosoɔWɔde ma dwonkyerɛfoɔ, Dawid deɛ.

1 1 Sa 26.20 AWURADE na medwane kɔtoa no,

adɛn na mose me kra sɛ:

Dwane sɛ anomaa kɔ mo mmepɔ so.

2 Dwom 37.14; 64.3-4 Na hwɛ, abɔnefoɔ kuntunu wɔn tadua mu,

wɔde wɔn mmɛmma asi homa so

sɛ wɔde bɛto abɔ akoma mu tenefoɔ esum mu.

3Sɛ wɔsɛe nnyinasoɔ a,

ɔteneneeni bɛyɛ dɛn?

4 Hab 2.20; Yes 66.1; Dwom 13.1-3 AWURADE wɔ n’asɔrefie kronkron mu,

AWURADE ahennwa wɔ soro,

n’ani tua nnipa mma, na n’anisuatɛtɛ kari wɔn hwɛ.

5 Dwom 5.4 AWURADE sɔ ɔteneneeni hwɛ,

na ɔbɔnefoɔ ne deɛ ɔpɛ amim deɛ,

ne kra tane no.

6 Gye 19.24 Ɔbɛma asraman aduru abɔnefoɔ,

ogya ne sɔfe ne mframa a ɛderɛ

ne wɔn kuruwa mu kyɛfa.

7 Dwom 33.5; 17.15 Na AWURADE yɛ ɔteneneeni, na ɔpɛ asɛntenenee,

wɔn a wɔtene bɛhunu n’anim.