Hiob 19 - Twer? Kronkron（ASWDC）

Hiob nim sɛ Onyankopɔn bɛgye no

1Na Hiob gyee so sɛ:

2Mobɛha me kra akɔsi da bɛn,

na mode nsɛm abubu me pasaa?

3Mprɛdu nie a moasopa me,

mo ani nwu mpo sɛ moho me werɛ?

4Na mpo, sɛ ampa sɛ mafom a,

me so na mfomsoɔ no da.

5Sɛ ampa sɛ moma mo ho so tia me,

na moyi me m’ahohora ho atɛn a,

6ɛnneɛ monhunu sɛ Onyankopɔn na wakyea me kwan ama me,

na ɔde n’asau atwa me ho ahyia.

7 Hiob 30.20 Hwɛ, ayayadeɛ nti, meteam, nso wɔnnye me so.

Mesu mefrɛ mmoa, nanso ɔgyeɛ biara mma.

8 Kwa 3.7, 9 Ɔde ban atwa me kwan mu, na mentumi mensene,

na me kwan so aduru sum.

9Wayi m’animuonyam afiri me so,

na wahotiri me tiri so abotire.

10Wabubu me afa nyinaa a menni hɔ bio,

na watu m’anidasoɔ ase sɛ dua.

11 Hiob 13.24; 33.10 Wama n’abufuo afram me so,

na ɔbu me sɛ n’atamfo mu baako.

12 Hiob 30.12 N’asafo ahodoɔ bɔɔ mu bae,

na wɔbɔɔ wɔn akwan wɔ me so,

na wɔkyeree nsraban twaa me ntomadan ho hyiae.

13 Dwom 69.8; 31.11 Wayi me nuanom afiri me ho kɔ akyirikyiri,

na wɔn a wɔni me adanedane me ahɔhoɔ koraa;

14 Dwom 38.11 m’abusuafoɔ atwe wɔn ho kɔ, na wɔn a meni wɔn werɛ afiri me;

15wɔn a wɔbɛtena me fie ne me mmaawa bu me sɛ ɔhɔhoɔ,

madane wɔn ani so ɔnanani;

16mefrɛ m’akoa, na ɔmmua me,

mede m’ano mepa no kyɛw mpo.

17 Hiob 2.9 Me yere mpo kyiri me home,

na me yafumma mpo mpɛ m’ahomeguo.

18 Hiob 30.1 Ntɔtɔfefewa mpo bu me animtia,

mese meresɔre a, wɔkasa tia me.

19 Hiob 19.13 Me ho yɛ me nnamfo pa nyinaa nwunu,

na m’adɔfo adane wɔn ani atia me.

20 Dwom 102.5 Me nnompe femfam me wedeɛ ne me nam ho,

na me se ho wedeɛ nko na mede afiri mu afire.

21 Rut 1.13 Monhu me mmɔbɔ, monhu me mmɔbɔ, me yɔnkonom,

na Nyankopɔn nsa aka me.

22 Dwom 27.2 Adɛn nti na moti me sɛ Onyankopɔn,

na me nam nso mmee mo?

23O, sɛ anka wɔretwerɛ me nsɛm ɛ!

Sɛ wɔde rehyɛ nwoma mu ɛ!

24Sɛ wɔde dadeɛ adetwerɛdeɛ ne sumpii rekurukyire ɔbotan mu

na atena hɔ daa ɛ!

25 2 Ti 1.12; Yes 41.14; Hos 13.14 Na me deɛ, menim sɛ me gyefoɔ te ase,

na awieeɛ no ɔbɛdi m’asɛm ama me wɔ asase so.

26Dwom 17.15; 73.24 Na wɔasɛe me wedeɛ seyie akyiri no,

na mɛfiri me honam mu afi ahunu Onyankopɔn;

27 1 Yoh 3.2 Ɔno na me ara mɛhwɛ no mafa,

na m’aniwa bɛhunu, na ɛnyɛ ɔhɔhoɔ bi.

Me sawa resa wɔ me mu.

28Sɛ mose: Sɛdeɛ yɛbɛsi apamo no afa!

Ne, yɛahunu asɛm no ase wɔ ne hɔ, a,

29monsuro afena, ɛfiri sɛ abufuhyeɛ de afena asotwe ba,

na moahunu sɛ atemmuo wɔ hɔ.