Nnwom 70 - Twer? Kronkron（ASWDC）

Nkwagyeɛ ho adesrɛ(Nnwom 40.13-17)Wɔde ma dwonkyerɛfoɔ. Dawid deɛ. Wɔde bɔ nkaeɛ.

1 Dwom 38.1 Onyankopɔn, yɛ ntɛm bɛgye me,

AWURADE, yɛ ntɛm bɛboa me.

2Ma wɔn a wɔhwehwɛ me kra ani nwu

na wɔn anim ngu ase,

ma wɔn a wɔpɛ me bɔne nsane wɔn akyi

na wɔnnane ahohorafoɔ.

3Wɔn a wɔse “wiɛ, wiɛ” no,

ma wɔnsane wɔn akyi,

wɔn aniwuo akatua ho.

4Ma wɔn a wɔhwehwɛ woɔ nyinaa nni ahurisie

na wɔn ani nnye wo ho,

na ma wɔn a wɔdɔ wo nkwagyeɛ no nka daa sɛ:

Ma wɔnkamfo AWURADE kɛseyɛ.

5Na me deɛ, meyɛ mmɔbɔ, na meyɛ ohiani.

Onyankopɔn, yɛ ntɛm ma me.

Wone me boafoɔ ne me gyefoɔ,

AWURADE, ntwentwɛn wo nan ase.