1 Rom 3.18 Ɔbɔnefoɔ mmarato kasa
wɔ n’akoma mu:
Nyankopɔn suro biara
nni n’ani so.
2Na ɔbu ne ho bi ɔno ara ani so
sɛ wɔrenhunu n’amumuyɛ na wɔakyi.
3N’anomu nsɛm yɛ ahuhusɛm ne nnaadaa,
wagyae nimdeɛsua ne papayɛ.
4 Mika 2.1 Ɔdwene amumuyɛdeɛ ne kɛtɛ so,
ɔde ne nan asi ɔkwan a ɛnyɛ so;
bɔne deɛ, ɔnkyi.
5 Dwom 57.10; 108.4 Ao, AWURADE, w’adɔeɛ kɔduru soro,
na wo nokorɛ kɔduru wiem tɔnn.
6 Dwom 125.1-2 Wo tenenee te sɛ Nyankopɔn mmepɔ,
w’atemmuo te sɛ ebunu a emu dɔ.
AWURADE, wogye nnipa ne mmoa nkwa.
7Ao, Onyankopɔn, hwɛ sɛdeɛ w’adɔeɛ no si so fa!
Na nnipa mma de wɔn ho kɔhyɛ wo ntaban nwunu ase.
8 Dwom 23.5 Wo fie mu sradeɛ meemee wɔn,
na woma wɔnom w’anigyeɛ asubɔnten.
9 Yer 2.13 Ɛfiri sɛ wo nkyɛn na nkwa nsutire wɔ,
wo hann mu na yɛhunu hann.
10Ma w’adɔeɛ nkyɛre mma wɔn a wɔni woɔ,
ne wo tenenee mma akoma mu teefoɔ.
11Mma ɔhantanni nan nntia me,
na mma abɔnefoɔ nsa nnsum me!
12Ɛnneɛ na amumuyɛfoɔ atotɔ,
wɔasum wɔn ahwehwe fam a wɔntumi nsɔreɛ.
Who We AreWhat We EelieveWhat We Do
2025 by iamachristian.org,Inc All rights reserved.
