1Mma, montie agya akwankyerɛ,
na monyɛ aso na moanya nhunumu.
2Na adenim pa na mekyerɛ mo,
monnnya me mmara.
3Na na ɛberɛ a meyɛ abadoma no,
ɔbabanin ne ɔba korɔ, ma me na ne m’agya no;
4 Lew 18.5 na ɔkyerɛkyerɛɛ me, na ɔka kyerɛɛ me sɛ:
Ma w’akoma nsɔ me nsɛm mu,
di me mmara nsɛm so, na nya nkwa.
5Nya nyansa, nya nhunumu.
Mma wo werɛ mmfi, na mmane mfiri m’anomu kasa ho.
6Nnya no, na ɛbɛhwɛ wo so,
dɔ no, na ɛbɛkora wo.
7Nyansa ne ade titire: Enti nya nyansa,
na fa w’adenya nyinaa nya nhunumu.
8Bu no, na ɛbɛma wo so;
sɛ woyɛ no atuu a, ɛbɛhyɛ wo animuonyam.
9 Mmb 1.9 Ɛbɛyɛ wo ti animuonyam abotire,
aane, abotire fɛfɛ na ɛde bɛhyɛ woɔ.
10 Mmb 3.2 Me ba, tie, na fa me nsɛm,
na wo nkwa mfeɛ adɔɔso.
11 Dwom 32.8; 27.11 Makyerɛ wo nyansa kwan,
magya wo atempɔn tee so.
12Wo nanteɛ mu w’anammɔn renkye wo,
na sɛ wotu mmirika a, worensunti.
13Sɔ nkyerɛkyerɛ mu dendeenden, nnyaa mu,
kora no, na ɛne wo nkwa.
14 Mmb 1.10; Dwom 1.1 Nkɔ abɔnefoɔ kwan mu,
na mfa nnipa bɔne kwan so.
15Kwati no, nsene mfa so,
mane firi ho, na siane ho kɔ.
16Wɔn deɛ wɔnna, gye sɛ wɔayɛ bɔne ansa,
na wɔntumi nna, gye sɛ wɔahwe obi ase ansa;
17na wɔdi abɔnefosɛm aduane,
na amimdie nsa na wɔnom.
18Na ateneneefoɔ kwan te sɛ owia hann,
ɛkɔ so hyerɛn kɔduru awia ketee.
19 Mmb 13.9; 24.20 Abɔnefoɔ kwan te sɛ esum kabii,
wɔnnim deɛ wɔhunta.
20Me ba, tie me nsɛm,
wɛn w’aso ma me kasa.
21Mma no mmfiri w’ani so,
fa sie w’akomam tɔnn.
22 Mmb 3.8, 13-16 Na ɛyɛ nkwa ma wɔn a wɔhunu,
ne nkwahosan ma ne honam nyinaa.
23Kora w’akoma sene deɛ wode sie nyinaa,
na emu na nkwa adifire fire.
24Yi ano kontonkyi firi wo ho,
na ma nkontompo ano nkɔ akyirikyiri.
25Ma w’ani nhwɛ tee,
na w’anisuatɛtɛ ntene nhwɛ w’anim.
26 Heb 12.13 Taataa w’anammɔn pɛpɛɛpɛ,
na ma w’akwan nyinaa ntim.
27 Deut 5.32 Mmane nifa anaa benkum,
twe wo nan firi bɔne mu.
Who We AreWhat We EelieveWhat We Do
2025 by iamachristian.org,Inc All rights reserved.
