1Tsaynöllam ciëlupita juk ángel uraykämuqta rikarqä. Tsay angelmi wanwanyaykaq patsapa shiminpa llävinta y jatunkaray cadënata aptashqa urämurqan.
2Dragonta tsariskirmi waranqa (1,000) wata wataränanpä cadënawan watarqan. Tsay dragonmi diablu niyanqan Satanás y unay culebra karqan.
Tsay runakuna kawaskamurmi waranqa (1,000) wata Jesucristuwan mandayanqa.
5Paykunaqa puntatam kawayämunqa. Peru wakin wanuqkunam sïqa waranqa wata cumpliptinrä kawayämunqa.
6Puntata kawamuqkunaqa kushishqam kayanqa. Paykunaqa Tayta Dios kuyanqan santu runakunam kayanqa. Tsaymi qepa kaq wanuyman chäyanqatsu.Mat. 25.41; Apoc. 2.11; 20.14; 21.8. Tsaypa rantinqa Tayta Diosta y Jesucristuta sirviq sacerdötikuna karmiApoc. 1.6; 5.10. Jesucristuwan waranqa wata mandayanqa.
Satanásta infiernuman qaykunanpä ninqan7Waranqa (1,000) wata päsaskiptinnam prësu kaykaq Satanásta dëjanqa.
8Tsaymi llapan nación runakunata engañananpä maytsaypapis purir Gog nacionpa y Magog nacionpaEze. 38.2-3, 14-16. soldädunkunatapis guërrata rurayänanpä qorinqa. Lamar kuchunchö arënanömi tsay soldädukunapis atskaq kayanqa.
9Tsay soldädukuna maytsaypita shamurmi Dios kuyanqan markachö criyikuq runakunapa campamentunta tumaypa jirurupäyanqa. Tsaynö jiruruparaykäyaptinmi Tayta Dios ciëlupita ninata shushutsimur tsay soldädukunata ushakätsinqa.
10Tsaypitanam runakunata engañaq diabluta azufriyuq nina rupaykaq qochaman qaykunqa. Tsaychömi anticristo y llullakuq profëtapis qaykuräyanqana. Tsaychömi diablupis paqaspa junaqpa imayyaqpis paykunawan ñakanqa.
Llapan runakunata Tayta Dios juzgananpä ninqan11Tsaypitanam jatunkaray yuraq trönunchö Tayta Dios jamaraykaqta rikarqä. Paypa puntanpitam kay patsapis y ciëlupis illakaskiyarqan. Mananam mas rikakäyarqannatsu.
12Tsaynöllam rikarqä llapan wanuq runakuna, yachaq mana yachaqpis, Tayta Diospa puntanchö ichiraykaqta. Tsaypita librukunata kicharmi Libru de la Vïdatapis Tayta Dios kicharqan.Sal. 69.28; Apoc. 3.5. Tsay librukunata rikaykurmi allita o mana allita rurayanqanman runakunata juzgarqan.Dan. 7.9-10.
13Tsay runakunam kayarqan lamarchö wanuqkuna, pamparaqkuna y maytsaychö wanuqkunapis. Llapantam imatapis rurayanqanman Tayta Dios juzgarqan.
14Tsaypitanam wanuytapis Hadestapis nina qochaman jitarqan. Tsay nina qochaqa qepa kaq wanuymi.Mat. 25.41; Apoc. 2.11; 20.6; 21.8.
15Tsaymanmi Libru de la Vïdachö jutinkuna mana qellqashqa kaqkunatapis jitarqan.
Who We AreWhat We EelieveWhat We Do
2025 by iamachristian.org,Inc All rights reserved.
