Ezequiel 41 - Bible in Quechua of South Conchucos（qxo）

Templu rurinchö imanö kanqanpis

1Tsaypitanam Lugar Santuman tsay runa pushamarqan. Punkuchö ishkan lädu pirqakunata midiptinmi kimsa metru anchun karqan.

2Punkupa anchunta midiptinnam pitsqa metru karqan. Punkupa cada lädunchö kaykaq pirqakunapa largunta midiptinmi ishkay metru pullan karqan. Yaykuna punkupita frentinchö kaq punkuyaq ishkay chunka (20) metrum karqan. Tsay cuartupa anchunmi chunka metru karqan.

3Tsaypitam pushamaq runa ruri kaq cuartuman yaykurqan. Tsay punkuchö ishkan lädu pirqakunata midiptinmi juk metru anchun karqan. Punkupa anchunta midiptinnam kimsa metru karqan. Punkupa cada lädunchö kaykaq pirqakunapa largunta midiptinmi kimsa metru pullan karqan.

4Ruri kaq cuartupa cada lädunta midiptinmi largunpis anchunpis chunka metru karqan. Tsaypitam pushamaq runa nimarqan: <>.

Templuman laqaraykaq cuartukuna

5Tsaypitanam tsay runa midirqan templupa pirqanta. Midiptinmi anchun kimsa metru karqan. Tsaynöllam jiruruypa templuman laqaraq cuartukuna karqan. Tsay cuartukunapa anchunmi ishkay metru karqan.

6Cuartukunaqa kimsa chunkam (30) karqan. Tsay cuartukuna ishkay altusyuqmi karqan. Altuskuna kayänanpämi templu waqtan pirqachö patakkuna karqan. Tsay patakkunachömi altuschö kaq cuartukunapa terrädunkuna churararqan. Tsaymi terräduta churananpä templuta uchkurqannatsu.

7Altuschö y janan kaq altuschö cuartukunaqa patsachö cuartukunapita mas anchum karqan. Altusman y janan kaq altusman yarkuyänanpämi jiruruypa escalëra karqan.

8Tsaynöllam templu waqtanpa kimsa metru altu cimientu tumarämuqta rikarqä. Tsay cimientu jananchömi templu waqtachö kaykaq cuartukuna karqan.

9Cuartukunapa pirqanpa anchunmi ishkay metru pullan karqan. Tsaymi tsay cuartukunapita

10hasta sacerdötikunapa cuartunkunayaq chunka metru libri karqan. Sacerdötikunapa cuartunkunaqa templu waqtanpa jiruruypam karqan.

11Templuchö laqaraykaq cuartukunapa punkunkunam jäkuq lädupa karqan. Jukaq punkum rikakarqan norti lädupa y jukaq punkunam rikakarqan sur lädupa. Templu waqtanpa tumarämuq jäkuq kaqpa anchunmi ishkay metru pullan karqan.

Templupa qepanchö kaq wayi

12Templu qepanchömi jatunkaray wayi karqan. Tsay wayim rikakarqan frentinchö kaykaq patiu lädupa. Tsay wayipa anchunmi kimsa chunka pitsqa (35) metru karqan. Largunnam chusku chunka pitsqa (45) metru karqan. Wayipa pirqanpa anchunmi ishkay metru pullan karqan.

Templuta midinqan

13Templuta midiptinmi pitsqa chunka (50) metru largun karqan. Tsaynöllam templu qepanchö kaykaq patiuta, wayita y pirqata midiptin pitsqa chunka (50) metru largun karqan.

14Templupa anchunta y patiupa anchunta midiptinmi pitsqa chunka (50) metru karqan.

15Tsaypitanam midirqan templu qepanchö kaykaq jatun wayita. Tsay wayiqa frentinchö kaykaq patiumanmi rikakarqan. Midiptinmi tsay wayi ishkan lädu cuartuntin pitsqa chunka (50) metru karqan.

Templu rurin imanö kanqan

Templu rurin y yaykunan

16entablashqam karqan. Tsaynöllam marcunkunapis, rëjashqa ventänakunapis y llapan paredkunapis patsapita ventänayaq y ventänapita janaman entablashqa karqan.

17Mas ruri kaq cuartupa y wakin cuartukunapa llapan pirqankunachöpis

18querubinkuna y palmërakunam dibujashqa karqan. Juk querubín y juk palmëra, juk querubín y juk palmëram tumaypa dibujashqa karqan.

Tsay querubinkunaqa ishkay cärayuqmi karqan.

19Jukaq cäranqa runapa cärannömi karqan. Tsay cäranmi rikakarqan jukaq palmëra kaqpa. Jukaq cärannam leonpa cärannö karqan. Tsay cärannam rikakarqan jukaq lädu palmëra lädupa. Entëru templuchömi tsaynö dibujashqa tumaypa karqan.

20Querubinkuna y palmërakunam templupa entëru pirqanchö patsapita punku jananyaq dibujashqa karqan.

21Templuman yaykuna marcunkunam chusku esquïnayuq karqan.

Diospa puntanchö kaykaq mësa

Lugar Santïsimuman yaykunachömi

22qerupita rurashqa altar karqan. Altunmi juk metru pullan karqan. Largunpis y anchunpis juk metrum karqan. Tsay altarpa esquïnankuna, janankuna y jamaräkunanpis qerupita rurashqam karqan. Tsaymi pushamaq runa nimarqan: < puntanchö kaykaq mësam>>.

Templuchö punkukuna

23Lugar Santuman y Lugar Santïsimuman yaykunapis punkuyuqmi karqan.

24Cada punku ishkay höjayuq karmi ishkan läduman kichana karqan.

25Querubinkuna y palmërakuna pirqakunachö dibujashqa kanqannöllam tsay punkukunachöpis dibujashqa karqan.

Templuman yaykuna punkuqa tablawanmi qatashqa karqan.

26Yaykuna cuartukunapis ventänayuqmi karqan. Tsaychömi palmërakuna dibujashqa karqan.

Templuman laqaraykaq cuartukunaqa qerupita rejïllayuqmi karqan.