1Tsaypita watakuna päsaskiptinmi Artajerjesna Persia nacionpa mandaqnin rey karqan. Tsay witsanqa Babilonia provinciachömi Esdras tarqan. Payqa Seraíaspa tsurinmi karqan. Seraíasqa Azaríaspa tsurinmi karqan. Azaríasqa Hilcíaspa tsurinmi karqan.
2Hilcíasqa Salumpa tsurinmi karqan. Salumqa Sadocpa tsurinmi karqan. Sadocqa Ahitobpa tsurinmi karqan.
3Ahitobqa Amaríaspa tsurinmi karqan. Amaríasqa Azaríaspa tsurinmi karqan. Azaríasqa Meraiotpa tsurinmi karqan.
4Meraiotqa Zeraíaspa tsurinmi karqan. Zeraíasqa Uzipa tsurinmi karqan. Uziqa Buquipa tsurinmi karqan.
5Buquiqa Abisúapa tsurinmi karqan. Abisúaqa Fineespa tsurinmi karqan. Fineesqa Eleazarpa tsurinmi karqan. Eleazarqa Aarónpa tsurinmi karqan. Aarónnam punta kaq mandaq sacerdöti karqan.
6Esdrasqa Moisés chaskinqan leykunatam alli yacharqan. Tsay leykunatam Israel runakunata kuyaq Tayta Dios Moisésta entregarqan. Esdrasta Tayta Dios yanapaptinmi rey Artajerjes llapan mañakunqanta alistaparqan Babiloniapita Jerusalénman aywananpä.
7Paywanmi aywayarqan sacerdötikuna, levitakuna, cantaqkuna, templu punkuta cuidaqkuna, templuchö aruqkuna y wakin Israel runakunapis. Paykunam aywayarqan Artajerjes qanchis wata rey kaykanqan witsan.
8Rey Artajerjes qanchis watana rey kaykaptinmi pitsqa kaq killachö Jerusalénman Esdras charqan.
9Paymi Babiloniapita wata qallaykunan punta kaq killa punta kaq junaqchö yarqamurqan. Jerusalénman charqan pitsqa kaq killachö punta kaq junaqmi. Kuyapäkuq Tayta Dios yanapaptinmi tranquïlu chäyarqan.
10Esdrasqa llapan shonqunwan Tayta Diospa leyninkunata yachakurmi cumplirqan. Tsay leykunata y estatütunkunatam Israel mayinkunata yachatsirqan.
11Babiloniapita manarä yarquptinmi Esdrasta rey Artajerjes cartata entregarqan. Tsay cartachömi nirqan:
12Ciëluchö kaykaq Tayta Diospa leyninkunata yachaq sacerdöti Esdras, noqa rey Artajerjesmi qamta saludakamü.
13Levita o sacerdöti kaptinpis llapan mandanqä nacionkunachö täraq Israel runakunatam ordenä qamwan aywayta munarqa Jerusalénman aywayänanpä.
14Noqam qanchis yätsimaqnïkunawan Judáman y Jerusalénman qamta mandaykä Diosnikipa leyninkunata tsaychö cumplitsinaykipä.
15Yätsimaqnïkunawan qoriyanqä qellayta y qorita Jerusalénman aywar apanki. Llapan voluntänïkunawanmi tsaykunata qoriyarqü Jerusalénchö taykaq Diosnikipä.
16Tsaynölla apanki Babilonia provinciachö qoriyanqayki qellayta y qorita. Tsay jananman apanki runakuna y sacerdötikuna voluntäninpita ofrenda qoriyanqantapis. Tsay llapanta Jerusalén templuman churanki.
17Tsaykunawannam rantinki torïtukunata, carnërukunata, carnishkunata, tsaki mikuyta y vïnutapis. Tsaykunata Diosnikipa templunchö kaykaq altarchö sacrificiupä rupatsinki.
18Sobraq kaq qellayta y qorita Tayta Diosniki tantiyatsishunqaykinölla gastanki.
19Tsaynölla Diosnikita templunchö adorayänaykipä entregashunqayki manëjukunata templuman churanki.
20Diosnikipa templunpä imapis faltaptinqa churakunä almacenpita jipinki.
21Éufrates mayu tsimpan provinciachö kaykaq tesorërukunatam noqa rey Artajerjes ordenar nï: Esdras mañakushunqaykitaqa imatapis alistapäyanki. Payqa ciëluchö kaykaq Tayta Diospa leyninkunata yachatsiq sacerdötim kaykan.
22Entregayänaykipä autorizädum kaykäyanki hasta kimsa waranqa kimsa pachak (3,300) kïlu qellayta, ishkay chunka ishkay waranqa (22,000) kïlu trïguta, ishkay waranqa ishkay pachak (2,200) litru vïnuta y ishkay waranqa ishkay pachak (2,200) litru aceitita. Kachitaqa aykatapis nisitanqanman entregayanki.
23Ciëluchö kaykaq Tayta Dios ordenanqannö Jerusalén templunpä llapanta ras entregayanki. Tsaynöpam tsurïkunatapis ni mandanqä nacionkunatapis Tayta Dios castiganqatsu.
24Sacerdötikunata, levitakunata, cantaqkunata, punku cuidaqkunata, templuchö sirviqkunata ni pï runatapis Diospa templunchö aruq kaqtaqa imapitapis impuestuta ama cobrayankitsu.
25Esdras, Diosniki tantiyatsishunqaykinö Éufrates mayu wak tsimpan provinciachö juezkunatapis y gobernadorkunatapis churay. Paykunam arreglayanqa Israel mayikikuna kikinpura quejakuyanqanta. Tsaynölla Diosnikipa leyninkunata mana yachaq kaqta yachatsinki.
26Tayta Diosnikipa leyninkunata y noqapa leynïkunata mana cumpliq runakunaqa wanutsiypa karpis, markanpita qarquypa karpis, multata pägatsiypa karpis o carcelman wichqatsiypa karpis ras castigashqa kayätsun.
Tayta Diosta Esdras mañakunqan27Tsaypitanam Tayta Diosta mañakur Esdras nirqan: < 28Tsaynöllam agradëcikü kuyapämarnin reytapis, yätsiqninkunatapis y mandar yanapaqninkunatapis yanapayämänanpä yarpayta qonqaykipita. Tsaynö yanapamaptikim Israel mayor runakunata qorirqü Jerusalénman noqawan aywayänanpä>>.
Who We AreWhat We EelieveWhat We Do
2025 by iamachristian.org,Inc All rights reserved.
