Daniel 1 - Bible in Quechua of South Conchucos（qxo）

Amïgunkunawan Babiloniachö Daniel kayanqan

1Judá nacionchö kimsa watana Joacim rey kaykaptinmi Babilonia nacionpa mandaqnin rey Nabucodonosor soldädunkunawan Jerusalénman chaykur tumaypa tsapaskiyarqan.

2Tayta Diosmi permitirqan rey Joacimta Nabucodonosor prësu tsarinanpä y Diospa templunchö kaykaq wakin manëjukunata apananpä. Tsaykunatam Babiloniaman apaykur diosninkunapa templunchö kaykaq almacén cuartuman churarqan.

3Tsaypitanam eunucukunapa mandaqnin Aspenazta Nabucodonosor nirqan prësu apayämunqan wakin Israel jövinkunata palaciuman pushananpä. Wakin jövinkunaqa reypa castanmi kayarqan y wakinnam Israelchö rïcu runakunapa castan kayarqan. runakuna qellqayanqankunata estudiayänanpä y parlayanqan idiömata yachakuyänanpä.

5Rey Nabucodonosormi ordenarqan palaciuchö kusinakuyanqan mikuykunata tsay jövinkuna qoyay qoyay mikuyänanpä y vïnuta upuyänanpä. Tsaynöllam ordenarqan kimsa wata shumaq yachakuskir palaciuchö payta sirviyänanpä.

6Tsay akranqan jövinkunawanmi Daniel, Ananías, Misael y Azarías kayarqan. Paykunaqa Judápitam kayarqan.

7Paykunapa jutinkunatam Aspenaz trocatsir churarqan Danielpa jutinta Beltsasarta, Ananíaspa jutinta Sadracta, Misaelpa jutinta Mesacta y Azaríaspa jutintana Abed-neguta.

8Danielmi impüru kayta mana munar yarpachakurqan reypa mikuyninta mana mikunanpä y vïnuntapis mana upunanpä. Tsaymi Aspenazta rugakurqan tsay mikuykunata mana qarananpä.

9Tayta Dios yanapaptinmi Danielqa Aspenazwan yachanänakuyarqan.

10Tsaynö rugakuptinmi Aspenaz nirqan: <>.

11Tsaynö niptinmi cuidaqnin runatana Daniel rugakurqan. Tsay runatam mandaq Aspenaz churarqan Danielta, Ananíasta, Misaelta y Azaríasta cuidananpä. Rugakurmi Daniel nirqan:

12<

13Tsay chunka junaq päsaskiptin reypa mikuyninta mikuq jövinkunaman iwalatsiyämay imanö kaykäyanqäta rikayämänaykipä. Paykunapita mas alli kayaptïqa mañakuyanqänölla qarayämay>>.

14Tsaymi cuidaq runa awnir mañakuyanqannölla chunka junaq qararqan.

15Chunka junaq cumpliskiptinnam rey alistapanqan mikuyta mikuqkunapitapis mas sänu kayarqan.

16Tsaymi jövinkunata cuidaq runaqa reypa mikuyninta y vïnuntapis tsay jövinkunata qararqantsu. Tsaypa rantinqa verdürallatanam qararqan.

17Tsay chuskun jövinkunata Tayta Dios yachayta qararmi yanaparqan Babilonia runakuna qellqayanqan röllukunata liyiyänanpä y yachatsinqankunata shumaq yachakuyänanpä. Tsaynöllam Danielta yanaparqan pipis revelación chaskinqanta tantiyananpä y runakuna imapä sueñuyanqantapis musyananpä.

18Rey Nabucodonosor ninqannö kimsa wata yachaskatsirnam reypa puntanman tsay jövinkunata Aspenaz pusharqan.

19Danielwan, Ananíaswan, Misaelwan y Azaríaswan parlaskirnam rey tantiyarqan llapan jövinkunapitapis mas yachaq kayanqanta. Tsaymi paykunata churarqan yanapaqnin kayänanpä.

20Pasaypa aja kaqkunata rey tapuptinmi maytsaychö brüjukunapita y suerti qatiqkunapitapis chunka kuti mas tantiyayarqan.

21Tsaynöpam Danielqa Babiloniachö täkurqan rey Ciro punta kaq wata mandanqan witsanyaq.