Salmo 118 - Bible in Quechua of South Conchucos（qxo）

Salmo 118 (117)Tayta Dios kuyakuq kanqan

1Allillata ruraq kanqanpita Tayta Diosta agradëcikuyay.

Kuyakuq kayninqa imaypis manam ushakantsu.

2Israel runakuna niyätsun:

<>.

3Aarónpita miraqkunapis niyätsun:

<>.

4 Tayta Diosta mantsapakuqkuna llapanpis niyätsun:

<>.

5Llakikuychö karmi Tayta Diosta mañakurqä.

Wiyamarmi ñakanqäpita jipimashqa.

6 Tayta Dios noqawan kaptinmi imatapis mantsätsu.

Runakuna conträ shäriyaptinpis manam llakikütsu.

7Noqataqa Tayta Dios manam jaqimantsu.

Paymi imaypis yanapaman.

Kikïmi rikashä chikimaqnïkunata ushakätsinqanta.

8Runaman yärakunantsikpa rantinqa Tayta Diosman yärakunqantsikmi mas alli.

9Reykunaman yärakunantsikpa rantinqa Tayta Diosman yärakunqantsikmi mas alli.

10Maytsay nación soldädukunam atacayämänanpä tumapäyämarqan.

Peru Tayta Diospa jutinchömi llapanta ushakätsirqä.

11Tsay soldädukunam atacayämänanpä jiruruypa tsaparäyämarqan.

Peru Tayta Diospa jutinchömi llapanta ushakätsirqä.

12Imayka abëja juntaqnömi juntapäyämarqan.

Peru kashata nina ushaqnömi llapanta ushakätsirqä.

Tayta Diospa jutinchömi llapanta ushakätsirqä.

13Paykunaqa cäsi cäsim vinciyämarqan.

Tsaynö kaptinpis Tayta Dios yanapamaptinmi vincirqä.

14 Tayta Diosmi imaypis kallpata qaraman.

Paytam imaypis alabä.

Paymi imaykapita salvamaqnï.

15Tayta Dios munanqannö kawaqkunam toldunkunachö kushikuyan.

¡Tayta Diosmi poderösu kayninwan llapanta vincishqa!

16¡Tayta Dios poderösu kanqanqa espantaypämi!

¡Tayta Diosmi derëcha kaq makinwan llapanta ushakätsishqa!

17Noqaqa manam wanushärätsu.

Tayta Dios ruranqankunata willakunäpä kawashärämi.

18 Tayta Dios pasaypa castigamarpis wanuypitaqa tsapämashqam.

19¡Templupa punkunta kichapaykallämay!

Tayta Diosta agradëcikunäpämi yaykuyta munä.

20Tsay punkum Tayta Diosman yaykuna punku.

Tsay punkupaqa yaykuyan pay munanqannö kawaq runakunallam.

21Tayta Dios, mañakunqäta wiyamanqaykipitam qamta agradëcikü.

Noqata salvamanqaykipitam graciasllä nï.

22Wayi shäritsiqkuna <> nir jitariyanqanmi maestra rumiman tikrashqa kaykan.

23Tsaynö kananpä Tayta Diosmi permitishqa.

Tsaypitam pasaypa espantashqa kaykantsik.

24Kay junaqmi Tayta Dios yanapamanqantsik junaq.

Tsaypita kushikur alabashun.

25¡Tayta Dios, salvaykayällämay!

¡Llapan rurayanqäpis alli kananpä yanapaykayällämay!

26 Tayta Diospa jutinchö shamuq runa alabashqa kaykullätsun.

Tayta Diospa wayinchömi qamkunata kushishqa chaskiyä.

27 Tayta Diosllam rasunpa kaq Diosqa.

Paymi alli kawayta qaramarquntsik.

Tsaynö kaykaptinqa altarpa waqrankuna kaqyaq rämakunata aptashqa yaykushun.

28Tayta Dios, qammi Diosnï kanki.

Qamta agradëcikurmi alabashayki.

29Allillata ruranqanpita Tayta Diosta alabashun.

Kuyakuq kanqanqa imaypis mana ushakaqmi.