1 Crónicas 12 - Bible in Quechua of South Conchucos（qxo）

Davidta yanapayänanpä soldädukuna aywayanqan

1Davidmi Cispa tsurin Saúlpita qeshpir Siclag markaman aywakurqan. Tsaychö taykaptinmi valienti soldädukuna guërrachö yanapayänanpä aywayarqan.

2Tsay runakunaqa ishkan makinpam warakakuyta y flëchaytapis yachayaq. Paykunaqa Benjamín trïbu runakuna karmi Saúlwan tsay trïbulla kayarqan.

Tsay runakunam kayarqan:

3Semaapa tsurin capitán Ahiezer,

Ahiezerpa wawqin Joás (Ahiezerwan Joásqa Gabaa markapitam kayarqan),

Azmavetpa tsurinkuna Jezielwan Pelet,

Anatot markapita Beracawan Jehú,

4aGabaón markapita Ismaías (payqa Kimsa Chunka niyanqan mas valienti kaq soldädukunapa mandaqninmi karqan),

4b 4b (5) Jeremías,

Jahaziel,

Johanán,

Gedera markapita Jozabad,

5 5 (6) Eluzai,

Jerimot,

Bealías,

Semarías,

Haruf markapita Sefatías,

6 6 (7) Elcana,

Isías,

Azareel,

Joezer,

Jasobeam (tsay pitsqa ultimu kaq runakunaqa Corépa castankunam kayarqan),

7 7 (8) Joela y Zebadías (Joela y Zebadíasqa kayarqan Gedor markapita Jerohampa tsurinkunam).

8 8 (9) Tsaynöllam desiertuchö kaykaq machaychö David pakaraykaptin Gad trïbu runakunapis payta yanapayänanpä aywayarqan. Paykunaqa escüdutapis lanzatapis allim manijayta yachayarqan. Leonnöpis pasaypa mantsaypämi kayarqan y lluytsunöpis pasaypa cörriqmi kayarqan.

9 9 (10) Punta kaq soldädum karqan Ezer, ishkay kaqmi karqan Obadías, kimsa kaqmi karqan Eliab,

10 10 (11) chusku kaqnam karqan Mismana, pitsqa kaqnam karqan Jeremías,

11 11 (12) joqta kaqnam karqan Atai, qanchis kaqnam karqan Eliel,

12 12 (13) puwaq kaqnam karqan Johanán, isqun kaqnam karqan Elzabad,

13 13 (14) chunka kaqnam karqan Jeremías y chunka juk kaqnam karqan Macbanai.

14 14 (15) Paykunam Gad trïbu soldädukunapa capitanninkuna kayarqan. Mas kallpayuq kaqpaqa waranqa (1,000) soldädukunapa kallpannömi kallpan karqan. Mënus kallpayuq kaqpapis pachak (100) soldädukunapa kallpannömi kallpan karqan.

15 15 (16) Tsay soldädukunam wata qallanan killachö Jordán mayuta päsayarqan pasaypa atskayashqa kaykaptin. Paykunata rikaykurmi ishkan frentin pampakunachö täraq runakunapis qeshpir aywakuyarqan.

16 16 (17) Tsaynöllam Benjamín trïbu runakunapis y Judá trïbu runakunapis Davidta yanapayänanpä pakaraykanqan machayman aywayarqan.

17 17 (18) Tsayman chaykuyaptinmi machaypita yarqaskamur David nirqan: <>.

18 18 (19) Tsaychömi Kimsa Chunka niyanqan valienti kaq soldädukunapa capitannin Amasai kaykarqan. Espíritu Santu parlatsiptinmi Amasai nirqan:

<<¡Isaípa tsurin David!

¡Qampa mandäduykichömi imaypis kaykäyäshä!

¡Tayta Dios yanapaykäshuptikiqa qampäpis y qamta yanapashuqnikikunapäpis alli kaway kaykullätsun!>>

Amasai tsaynö niptinmi paykunata David churarqan soldädunkunapa capitannin kayänanpä.

19 19 (20) Tsaynöllam Manasés trïbu soldädukunapis David kaqman aywayarqan payta yanapayänanpä. Tsay höram Davidqa filisteo soldädukunata yanapar Saúlpa contran pelyaq yarqunanpäna kaykarqan. Peru David mana yanapananpämi filisteo runakunapa mandaqninkuna willanakuskir niyarqan: <>.

20 20 (21) Siclagman David kutiptin Manasés trïbu soldädukuna aywaqkunam kayarqan Adna, Jozabad, Jediael, Micael, Jozabad, Eliú y Ziletai. Paykunam kayarqan Manasés trïbupita waranqa (1,000) soldädukunapa capitanninkuna.

21 21 (22) Contrankunata vincinanpämi paykuna Davidta yanapayarqan. Tsaymi paykuna mas valienti kayaptin soldädunkunapa capitanninkuna kayänanpä churarqan.

22 22 (23) Warayllanta warayllantam runakuna chäyarqan Davidpa soldädun kayänanpä. Tsaytsika karmi Tayta Diospa soldädunkunanörä kayarqan.

Rey kananpä Davidta Hebrónchö churayanqan

23 23 (24) Hebrónchö David kaykaptinmi atska soldädukuna aywayarqan Saúlpa trokin rey churayänanpä. Tsaynöpam Tayta Dios ninqannölla David rey karqan.

24 24 (25) Judá trïbupitam kayarqan joqta waranqa puwaq pachak (6,800) soldädukuna. Paykunam escüdunkunawan y lanzankunawan guërrachö pelyayänanpä listu aywayarqan.

25 25 (26) Simeón trïbupitam kayarqan qanchis waranqa pachak (7,100) soldädukuna. Paykunapis guërrachö pelyayänanpämi listu alistakushqa kayarqan.

26 26 (27) Leví trïbupitam kayarqan chusku waranqa joqta pachak (4,600) soldädukuna.

27 27 (28) Tsaynöllam kimsa waranqa qanchis pachak (3,700) soldädukunawan karqan Aarón castapita Joiada

28 28 (29) y ishkay chunka ishkay (22) castankunawan valienti jövin Sadocpis. Sadocwan kaykaq runakunaqa castankunapa mandaqninkunam kayarqan.

29 29 (30) Benjamín trïbupitapis Saúlpa trïbu mayinkuna kimsa waranqa (3,000) soldädukunam kayarqan. David manarä rey kaptinmi paykunaqa Saúlpa soldädunkuna kayarqan.

30 30 (31) Efraín trïbupitam kayarqan ishkay chunka waranqa puwaq pachak (20,800) geniu soldädukuna. Paykunaqa kayarqan trïbunchö mas respitashqa runakunam.

31 31 (32) Tsaynöllam pullan kaq Manasés trïbupita kayarqan chunka puwaq pachak waranqa (18,000) soldädukuna. Paykunatam mandayarqan Davidta rey churayänanpä.

32 32 (33) Isacar trïbupitam kayarqan ishkay pachak (200) mandaqkuna. Paykunaqa yachaq runakuna karmi Israel runakunata imata rurayänanpäpis shumaq yätsiyarqan. Tsaymi paykuna niyanqanta Israel mayinkuna rurayaq.

33 33 (34) Zabulón trïbupitam kayarqan pitsqa chunka waranqa (50,000) soldädukuna. Paykunapis tukuy niraq armakunawan Davidpa favornin shärir pelyayänanpämi alistakushqa kayarqan.

34 34 (35) Neftalí trïbupitam kayarqan waranqa (1,000) capitankuna. Paykunawanmi kayarqan kimsa chunka qanchis waranqa (37,000) soldädukuna escüdunkuna y lanzankuna alistakushqa.

35 35 (36) Dan trïbupitam kayarqan ishkay chunka puwaq waranqa joqta pachak (28,600) soldädukuna pelyayänanpä listu alistakushqa.

36 36 (37) Aser trïbupitam kayarqan chusku pachak waranqa (40,000) soldädukuna pelyayänanpä listu alistakushqa.

37 37 (38) Jordán mayu wak tsimpapitam kayarqan pachak ishkay chunka waranqa (120,000) soldädukuna. Paykunam kayarqan Rubén trïbupita, Gad trïbupita y pullan Manasés trïbupita. Paykunapis tukuy niraq armankunawan listum guërrachö pelyayänanpä kayarqan.

38 38 (39) Tsay soldädukunaqa armankuna aptashqam Hebrónman aywayarqan Davidta rey churayänanpä. Tsaynöllam wakin kaq Israel runakunapis David rey kananta munayarqan.

39 39 (40) Castankuna alistapäyanqan mikuyta mikurmi paykunaqa Davidwan tsaychö kimsa junaq mikur upur qoyäyarqan.

40 40 (41) Tsaynöllam Isacar trïbu, Zabulón trïbu y Neftalí trïbu runakunapis tsay fiestachö mikuyänanpä apayarqan jarinata, hïgus tantakunata, päsaskunata, vïnukunata, aceitita, törukunata, üshakunata y cabrakunatapis. Tsay mikuykunatam apayarqan ashnukunawan, camëllukunawan, mulakunawan y törukunawanpis. Davidta rey kananpä churarmi entëru Israel nacionchö runakuna pasaypa kushikuyarqan.