1 1 (63.19b) ¡Ima allirä kanman ciëluta kichaskir urämuptiki!
Urämuptikiqa jirkakunapis pasaypam tsuktsukyäyanman.
2 2 (1) Kashakunata nina rupar ushanqannö y manka puwanqannömi shamuptiki nacionkunapis tsuktsukyäyanman.
Poderösu kanqaykitam contraykikunapis tantiyayanman.
3 3 (2) Unay urämurmi pasaypa espantaypä kaqkunata rurarqayki.
Tsaynö ruraptikim jirkakunapis pasaypa tsuktsukyäyarqan.
4 4 (3) Manam pipis musyashqatsu ni rikashqatsu qamnö poderösu kanqanta.
Qamman yärakamuqkunapä raykurmi mantsariypä kaqkunata ruranki.
5 5 (4) Munanqaykinö kushishqa kawaqkunatam yanapanki.
Tsaynö kaptinpis manam munanqaykinötsu kawayä.
Unaypita kananyaq jutsata rurar kawayaptïmi pasaypa rabyarquyki.
Tsaynölla kawarqa ¿imanöparä salvakuyäman?
6 6 (5) Noqakunaqa qanranö melanaypämi kayä.
Allita rurayanqäpis warmipa killa qeshyanwan qanratashqa ratashnömi kaykan.
Llapäkunapis qarwashtaykar jachapa rapran ushakaqnömi ushakaykäyä.
Imaykatapis vientu apaqnömi mana alli yarpaynïkuna jutsa rurayman apayäman.
7 7 (6) Manam ni pipis qamman mañakayämuntsu ni yärakayämuntsu.
Tsaymi noqakunapita pakakurquyki.
Jutsa ruraq kayaptïmi dëjayämarquyki.
8 8 (7) Tayta Dios, imanö kashqa kayaptïpis qammi papänïkuna kanki.
Noqakunaqa mitunöllam kayä.
Qamnam manka ruraqnö kanki.
Llapäkunapis makiki ruranqallanmi kayä.
9 9 (8) Tayta Dios, alläpa ama ajanaynatsu.
Jutsäkunatapis ama yarparaynatsu.
Kuyanqayki runakuna kaykäyaptïqa kuyapaykayällämay.
10 10 (9) Santu markakunatapis ushakätsiyaptinmi tsunyaykanllana.
Sión jirkanta ushakätsiyaptin Jerusalén markapis raqällanam quëdashqa.
11 11 (10) Unay castäkuna adorayäshunqayki kuyayllapä templuykitapis chipyaqmi kayayashqa.
Mas kuyayllapä kaqkunatapis llapantam ushakätsiyashqa.
12 12 (11) Tayta Dios, tsaynö rurayanqanta rikaykar ¿manatsurä paykunata castigankiman?
¿Manatsurä yanapayämankiman?
¿Tsaynöllatsurä imayyaqpis castigayämanki?
Who We AreWhat We EelieveWhat We Do
2025 by iamachristian.org,Inc All rights reserved.
