1 Reyes 6 - Bible in Quechua of South Conchucos（qxo）

Templuta Salomón shäritsinqan 2 Crónicas 3.1-14

1Chusku wata Israel nacionpa mandaqnin rey Salomón kaykarmi Zif killachö Tayta Diospa wayinta shäritsir qallaykurqan. Tsay killaqa wata qallaykunanchö ishkay kaq killam karqan. Tsay watawanqa Israel runakuna Egiptupita yarqayämunqan chusku pachak puwaq chunka (480) watatanam cumplirqan.

2 Tayta Diospä rey Salomón shäritsinqan templupa largunmi ishkay chunka qanchis (27) metru karqan. Anchunnam isqun metru karqan y altunnam chunka kimsa pullan (13.5) metru karqan.

3Templupa anchunnöllam alarninpa largunpis isqun metru karqan. Anchunnam chusku metru pullan karqan.

4Salomónqa templupa ventänankunatapis rejïllayuqtam ruratsirqan.

5Tsaynöllam templuman laqayllapa cuartukunata tumaypa ruratsirqan.

6Tsay cuartukunaqa ishkay altusyuqmi karqan. Patsa kaq cuartukunapa anchunmi ishkay metru mas ishkay chunka pitsqa centïmetru karqan. Altuschö kaq cuartukunapa anchunmi ishkay metru mas qanchis chunka centïmetru karqan. Janan kaq altuschö kaq cuartukunapa anchunnam kimsa metru mas chunka pitsqa centïmetru karqan. Cuartukunata shäritsinanpämi templu waqtan pirqata shäritsirqan patakkunata dëjayllapa. Tsay patakkunamannam churayarqan cuartukunapa terrädunkunata. Tsaynöpam templupa pirqanta uchkutsirqannatsu.

7Templuta shäritsiyänanpäqa llaqllashqallatanam rumikunata apayämurqan. Tsaymi templuta shäritsir martilluwan, cincelwan ni ima herramientawanpis takayarqantsu.

8Patsa cuartukunaman yaykuna punkum templupa derëcha kaq lädunchö karqan. Altuschö y janan kaq altuschö kaq cuartukunaman yarkunanpämi tumaypa tumaypa escalëra karqan.

9Templupa paredninkunata shärirkatsirnam vïgakunata churatsirqan. Tsaypitam vïga rurinpa entablatsirqan cedru tablakunawan.

10Templuman laqaypa ruratsinqan cuartukunapa cada pïsupa altunmi ishkay metru y ishkay chunka pitsqa centïmetru karqan. Tsay cuartukunaqa cedru vïgakunawanmi templuman laqararqan.

11Salomóntam Tayta Dios nirqan:

12<

13Israel runakunawan tarmi paykunata imaypis dëjashätsu>>.

14Tsaynömi Salomónqa templuta shäritsir usharqan.

15Templu rurin paredtam vïgapita patsayaq cedru tablakunawan entablatsirqan. Pïsuntanam ciprés tablakunawan entablatsirqan.

16Templu rurinchö Lugar Santïsimu kananpänam

23Tsaypitam Lugar Santïsimuman churatsinanpä olïvus qerupita ishkay querubinkunata ruratsirqan. Tsay ishkan querubinkunapa tamäñunmi chusku metru pullan karqan.

24Cada älankunam midirqan ishkay metru y ishkay chunka pitsqa centïmetru. Tsaymi jukaq äla puntanpita jukaq äla puntanyaq chusku metru pullan karqan.

25Tsaynöllam jukaq querubinpa älankunapis chusku metru pullan karqan. Tsaymi ishkanpis tsay tamäñulla y tsaynölla kayarqan.

26Ishkanpapis tamäñunkuna chusku metru pullanmi karqan.

27Tsay ishkan querubinkunatam Lugar Santïsimu cuartuman Salomón churatsirqan. Tsaynö ichïtsiptinmi jukaq querubinpa älan töparqan paredman y jukaq querubinpa älanpis töparqan jukaq paredman. Jukaq älankunanam Lugar Santïsimu chawpinchö töpanakurqan.

28Tsay querubinkunatam qoriwan Salomón enchapatsirqan.

29Lugar Santïsimupa paredninkunaman y Lugar Santïsimuman yaykuna cuartupa paredninkunamanpis querubinkunata, waytakunata y palmakunatam tallatsirqan.

30Tsaynöllam ishkan cuartukunapa pïsunkunatapis qoriwan enchapatsirqan.

31Lugar Santïsimuman yaykunan punkunkunatapis olïvus qerupitam ruratsirqan. Tsay punkupa numbralninkuna y marcunkunaqa pitsqa esquïnayuqmi karqan.

32Olïvus qerupita ruratsinqan ishkan punkukunamanmi tallatsirqan querubinkunata, waytakunata y palmakunata. Tsaykuna jananpam qoriwan enchapatsirqan.

33Tsaynöllam templu punkupa marcunkunatapis olïvus qerupita cuadrädu listonkunata ruratsirqan.

34Templu punkupa ishkan höjankunataqa ciprés qerupitam tumatsikunantawan ruratsirqan.

35Tsay punkukunamanpis querubinkunata, waytakunata y palmakunatam tallatsirqan. Tsaykunatapis qoriwanmi enchapatsirqan.

36Templupa ruri kaq patiuntapis kimsa hilëra llaqllashqa rumikunawan y juk hilëra cedru tablonkunawanmi corralatsirqan.

37Chusku watana Salomón mandaq kaykarmi Zif killachö Tayta Diospa templunta shäritsiyänanpä cimientu churar qallaykatsirqan.

38Chunka juk watana rey kaykarmi Bul ninqan killachö Salomónqa Tayta Diospa templunta shäritsir usharqan. Tsay killaqa watachö puwaq killa kaqmi karqan. Templuta shäritsinanpä imanöpis yarpanqannöllam Salomón shäritsirqan. Templu aruyta ushatsirqan qanchis watachömi.