Oseas 14 - Bible in Quechua of South Conchucos（qxo）

Tayta Diosman yapay yärakuyänanpä ninqan

1 1 (2) Israel runakuna, jutsata rurayanqaykipitam castïguman chäyarquyki.

Tsaynö kaykarqa kuyashuqniki Tayta Diosman kutiyay.

2 2 (3) Tayta Diosman kutir payta mañakur niyay:

<

Kuyapäyämar chaskiykayällämay.

Alabayanqämi qampä ofrenda kanqa.

3 3 (4) Asiria runakunaqa manam salvayämanqatsu.

Ni caballukunata muntarkur pelyarpis manam vinciyäshätsu.

Runa ruranqankunataqa manam nir adorayäshänatsu.

Qamman yärakuyaptinmi waktsakunatapis kuyapanki>>.

Israel runakunata perdonananpä Tayta Dios ninqan

4 4 (5) Tayta Diosmi nin:

<

Jutsata rurayashqa kayaptikipis perdonayäshaykim.

5 5 (6) Bendicionnïta churamurmi shullyanö qamkunapä kaykäshä.

Qamkunanam liriu wayta tuktur kuyayllapä kanqannö kayanki.

Líbanuchö jatusaq cedrukuna shumaq matsükuqnömi kayanki.

6 6 (7) Olïvuskunapa rämankuna atskaman mashtakanqannömi qamkunapis atskaman mirayanki.

Líbano muntichö cedru mushkuptin kushikuypä kanqannömi qamkunapis kushikuypä kayanki.

7 7 (8) Qamkunaqa yapaymi noqapa podernïchö kawayanki.

Trïgu espigaraykaqnö y üva tseqlliraykaqnömi kayanki.

Líbanuchö wayuq üvapita rurashqa vïnu alli kanqanta maytsaychöpis parlayanqannömi qamkunapäpis alli kawayanqaykita maytsaychöpis parlayanqa.

8 8 (9) Noqam qamkunata cuidaykä.

Noqam rämasapa pïnunö llantunäpä kaykä.

Noqam llapanchöpis yanapanäpä kaykä.

Tsayta tantiyaskirmi niyanki: <¡Ïdulukunaqa manam imapäpis välintsu!> >>

9 9 (10) Yachaqkuna y alli yarpayyuqkuna kay willakuyta tantiyakuyätsun.

Tayta Diospa näninqa derëchum.

Tsaymi alli runakunaqa tsay nänipa purir ishkiyantsu.

Peru jutsasapakunam sïqa tsay nänichö ishkiyan.