Ester 8 - Bible in Quechua of South Conchucos（qxo）

Israel runakuna defiendikuyänanpä ordinta apatsinqan

1Israel runakunapa contran Amánta wanutsinqan junaqmi rey Asuero Esterta entregarqan Amánpa wayinkunata, chakrankunata, ashmankunata y imaykankunatapis. Mardoqueo prïmun kanqanta Ester willaptinmi Mardoqueuta rey Asuero qayatsirqan.

2Chaykuptinmi Amánpita qorinqan sëllakunan sortïjata jatitsirqan. Tsaynöllam Esterpis Amánpa imaykankunata chaskinqanta Mardoqueupa makinman churarqan.

3Tsaypitanam Esterqa rey Asuero kaqman yapay aywarqan rugananpä. Chakinman lätaykurmi waqar rugarqan Agagpa castan Amán ordenanqannö Israel runakunata mana wanutsiyänanpä.

4Tsaynö rugaptinmi rey Asuero qori väranwan pay kaqpa toqrirqan. Tsaymi shärirkur Ester nirqan:

5<

6Ordin ninqannö Israel mayïkunata wanutsiyaptinqa pasaypam llakikushä>>.

7Tsaymi Esterta y Mardoqueuta rey Asuero nirqan: <

8Kananqa yarpäyanqaykinö noqapa jutïchö juk ordinta qellqayay Israel runakunapa favornin kananpä. Tsay ordinta sëllüwan sëllayay. Sëllüwan sëllashqataqa manam pipis anulanqatsu>>.

9Rey Asuero tsaynö nirmi secretariunkunata jinan höra qayatsirqan. Tsay junaq kimsa killachö ishkay chunka kimsa (23) junaqmi karqan. Kimsa kaq killapa jutinmi Siván karqan. Secretariunkuna chämuptinmi Mardoqueo tsay ordinta qellqatsirqan Israel runakunapä, reyta mandar yanapaqninkunapä, llapan provinciakunapa mandaqninkunapä y rey mandanqan nacionkunapa autoridäninkunapäpis. Tsaynöpam tsay ordin karqan rey Asuero mandanqan pachak ishkay chunka qanchis (127) provinciakunachö täraq autoridäkunapä. Tsay provinciakuna India nacionpita qallaykur Etiopía nacionyaqmi karqan. Pïmaypis tantiyananpämi ordinta qellqayarqan rey mandanqan llapan provinciakunachö täraq runakuna parlayanqan idiömakunachö y imanöpis qellqayanqan estïlunchö. Tsaynöllam qellqayarqan Israel runakuna parlayanqan idiömachö y qellqayanqan estïlunchö.

10Tsaypitanam tsay ordinman rey Asuerupa jutinta qellqaykur sëllunwan sëllayarqan. Tsaypitanam willakuqkuna reypa allin caballunkunata muntakurkur apayarqan.

11Tsay ordinchömi qellqashqa karqan Israel runakuna maytsaychöpis qorikaykur atacaqninkunata wanutsiyänanpä y wanuskatsir imantapis apakuyänanpä. Atacaqninkuna may markapita y may provinciapita kaptinpis warmintinta wamrantinta llapanta wanutsiyänanpämi tsay ordin karqan.

12Rey Asuero mandanqan llapan provinciakunachömi fëchata jitaparqan chunka ishkay kaq killa chunka kimsa kaq junaqchö wanutsiyänanpä. Tsay killapa jutinmi karqan Adar.

13Tsaynöllam tsay ordinchö qellqashqa karqan maytsay markachöpis y provinciachöpis Israel runakuna alistakuskir atacaqninkunata tsay junaq wanutsiyänanpä.

14Rey mandaptinmi ordinta apaqkuna allin caballukunata muntakurkur jinan höra aywayarqan. Tsaynöllam Susa markachöpis musyatsiyarqan tsay ordinchö imata ninqantapis.

15Mardoqueuqa palaciupita yarqamurqan azulchö yuraqyuq sotänan jatishqa, qori corönan jatishqa y granäti lïnu cäpan jatishqam. Rikaykurmi Susachö täraq runakuna llapanpis kushikurnin büllata rurayarqan.

16Israel runakunapis salvashqana kayanqanta musyarmi kushikuyarqan. Tsaymi pïmaypis Israel runakunata respitayarqan.

17Maytsay provinciakunamanpis y markakunamanpis qellqanqan ordin chaptinmi Israel runakuna maytsaychöpis kushikurnin fiestata rurar mikuytapis kusinayarqan. Wakin runakunaqa wanutsiyänanta mantsarirmi Israel runa kayman yaykuyarqan.