Hechos 8 - Bible in Quechua of South Conchucos（qxo）

1Estebanta wanutsiyaptin Saulupis kushikurqanmi.

Jesúsman criyikuqkunata Saulo qatikachanqan

Tsay junaqpitanam Jesúsman criyikuqkunata Jerusalénchö qatikachar qallaykuyarqan. Judeapa y Samariapa qeshpir aywakuyaptinmi apostolkunallana Jerusalénchö quëdayarqan.

2Tayta Dios munanqannö kawaqkunam Estebanpa ayanta pasaypa llakikur pampayarqan.

3Saulunam Jesúsman criyikuqkunata wayin wayin ashir tarinqan kaqtaqa warmitapis ollqutapis carcelman wichqatsirqan.Samariachö Felipe willakunqan

4Jerusalénpita qeshpiqkunam maytsaychöpis alli willakuyta willakuyarqan.

5Tsaynöllam Felipipis Samaria markaman chaykur Jesús salvamaqnintsik Cristo kanqanta willakurqan.

6Tsaychömi milagrukunata ruranqanta rikar y parlanqanta wiyar llapan runakuna kushikuyarqan.

7Runakunapita supaykunata qarquptinmi qayararrä yarquyarqan. Tsaynöllam atskaq ratakunatapis y puriyta mana puëdiq runakunatapis allïtsirqan.

8Tsaynö ruraptinmi tsay markachö täraqkuna pasaypa kushikuyarqan.

9Tsay markachömi Simón jutiyuq juk brüju karqan. Paymi <> nir Samaria runakunata unaypitana criyitsirqan.

10Simón ninqankunata wiyarmi pobrikunapis rïcukunapis niyaq: <<¡Kay runataqa Tayta Diosmi yanapaykan!>>

11Simónqa brüju karmi unaypita mägicawan runakunata engañaq.

12Peru tsaynö kaptinpis Tayta Diospa mandakuyninpa alli willakuyninpä y Jesucristupä Felipe willakuptinnam ollqupis warmipis criyir bautizakuyarqan.

13Tsaymi kikin Simónpis criyikur bautizakuskir Felipe maypa aywaptinpis paywan purirqan. Señalkunata y milagrukunata ruranqanta rikarmi Simón pasaypa espantakurqan.

14Diospa willakuyninta Samariachö runakuna chaskiyanqanta musyarmi Jerusalénchö kaykaq apostolkuna Pedruta y Juanta tsayman mandayarqan.

15Chaykurmi Samaria runakunapis Espíritu Santuta chaskiyänanpä Tayta Diosta mañakuyarqan.

16Jesúspa jutinchö bautizakushqa kaykarpis Espíritu Santuta manarämi mayqanpis chaskishqarätsu kayarqan.

17Tsaymi paykunapa umankunaman makinkunata churaykur mañakuyaptin Espíritu Santuta chaskiyarqan.

18Tsayta rikarmi Simónqa apostolkunata pägayta munar

19nirqan: <>.

20Tsaynö niptinmi Pedro nirqan: <<¿Imanirtä Tayta Dios qaranqan Espíritu Santu rantina kanqanta yarpaykanki? ¡Tsaynö yarpanqaykipitam qellayniki infiernuman apashunki!

21Qamqa shonquykichö mana allitam yarpaykanki. Tsaynö kaykarqa manam noqakuna rurayanqäman mëtikamunkimantsu.

22Llutan yarpanqaykikunata jaqirir perdonashunaykipä Tayta Diosta mañakuy. Mañakuptikiqa capazmi perdonashunkiman.

23Jutsa ruraypa poderninchö kanqayki y envidiösu kanqaykim reqishqa kaykan>>.

24Tsaynö niptinmi Simón rugakur nirqan: <>.

25Tayta Diospa willakuyninta tsaychö willakuskirnam Pedruwan Juan Jerusalénman kutir Samariachö kaykaq wakin markakunachöpis willakuyarqan.

Eunucu runa Jesúsman criyinqan

26Tsaypitam Tayta Diospa angelnin Felipita nirqan: <>.

27Tsaymi Felipiqa tsay nänipa aywar Etiopía nacionpita juk eunucu runata rikarqan. Paymi Etiopía nacionchö reina Candacipa tesorërun karqan. Tayta Diosta adoraq Jerusalénman aywanqanpita

28kutirmi carrëtanman jamaykur profëta Isaías qellqanqan libruta liyiraykar aywarqan.

29Tsaymi Felipita Espíritu Santu nirqan: <>.

30Ninqannö witirmi profëta Isaías qellqanqan libruta liyiykaqta wiyarqan. Tsaymi tapurqan: <>

31Etiopía runanam nirqan: <>

Tsaypitam Felipita rugakurqan carrëtaman yarkurkur lädunman jamananpä.

32Tayta Diospa palabranta liyinqanmi nirqan:

<<Üshata pishtayänanpä apaqnömi payta apayarqan.

Millwanta rutuyaptin üsha wiyaräkunqannömi upällalla wiyaräkurqan.

Tsaynö upälla kakurmi ni juk shimillapis parlakurqantsu.

33Manakaqman churayaptinpis manam favornin pipis shärirqantsu.

Payta wanutsiyaptin tsurinpis manam karqantsu>>.

34Eunucunam Felipita nirqan: <>

35Tsaymi liyinqanta tantiyatsir Jesúspa alli willakuyninta Felipe willarqan.

36Tsaypita aywaykäyanqanchö yaku kaqman chaykurmi tsay eunucu nirqan: <>

37[Felipinam nirqan: <>.

Tsaymi nirqan: <>.]

38Tsaymi carrëtanta ichiykatsir yakuman uräyarqan. Tsaychömi eunucuta Felipe bautizarqan.

39Yakupita yarqaskayämuptinmi Señor Jesucristupa Espïritun Felipita jukläpa aparqan. Payta mana rikarpis eunucuqa kushishqam aywakurqan.

40Felipinam Azoto markachöna rikakuskir Jesúspa alli willakuyninta willakur marka marka purirqan. Tsaynö willakurmi Cesarea markamanpis charqan.