1Tsaypita qanchis killa päsaskiptinnam Ismael jutiyuq runa chunka runakunata pushashqa Mizpa markaman charqan. Ismaelqa Elisamapa willkan y Netaníaspa tsurinmi karqan. Tsaynöllam Judá nacionpa mandaqnin reykuna casta y rey Sedequíaspa yanapaqnin autoridä karqan. Chaykurmi Gedalíaswan mikur upur jamaräyarqan.
2Mikuykäyanqanchömi pushanqan chunka runakunawan illaqpita Gedalíasta espädanwan wanuratsiyarqan. Gedalíasta Judá nacionpa gobernadornin kananpämi Babilonia nacionpa mandaqnin rey churashqa karqan. Tsaynö kaykaptinpis mana mantsaypam wanutsiyarqan.
3Tsaynöllam Mizpachö Gedalíaswan kaykaq Judá runakunata y Babilonia soldädukunatapis wanutsiyarqan.
4Gedalíasta wanutsiyanqanta manarä musyarmi waraynin junaq
5Siquempita, Silupita y Samariapita puwaq chunka (80) runakuna chäyämurqan. Jerusalén markata ushakätsiyanqanpita pasaypa llakikurmi paykuna kaykäyarqan shaprankunata rutukushqa, röpankuna rachishqa y qarankunapis roqur ushashqa. Paykunam apayämurqan tsaki mikuy ofrendakunata y inciensiuta Tayta Diospa templunman churayänanpä.
6Tsay runakuna Mizpaman manarä chäyaptinmi Netaníaspa tsurin Ismael waqaraykar taripaq aywarqan. Tinkuskirnam nirqan: <
7Markaman yaykuskiyaptinnam cumpinchinkunawan Ismael tsay runakunata wanuratsiyarqan. Wanuskatsirmi pözuman ayankunata jitarpuyarqan.
8Manarä wanutsiyaptinmi tsay puwaq chunka runakunapita chunka runakuna Ismaelta rugakur niyarqan: <
Tsaynö niyaptinmi wakin kaqta wanutsirpis rugakuq kaqkunata wanutsiyarqannatsu.
9Ayakunata Ismael wiñanqan pözuqa rey Asa1Rey. 15.9-24. unay uchkutsinqan pözum karqan. Tsay pözutam uchkutsirqan Israel nacionpa mandaqnin rey Baasawan pelyanqan witsan. Tsay pözuman juntaqpämi ayakunata Ismael wiñarqan.
10Tsaypitanam Ismael prësu tsarirqan reypa warmi tsurinkunatawan Mizpachö quëdaq wakin runakunata. Tsay runakunatam wardiakunapa capitannin Nabuzaradán Gedalíaspa makinchö dëjarqan. Paykunata prësu aparmi Amón nacionman Ismael aywakurqan.
Prësu apanqan runakunata Ismaelpa makinpita qechuyanqan11Careapa tsurin Johanán y paywan kaykaq capitankunam runakunata Ismael wanutsinqanta musyaskiyarqan.
12Tsaymi llapan runakunata qoriskir aywayarqan Ismaelwan pelyayänanpä. Qatiparmi Gabaónchö kaykaq jatun tanki lädunchö taripäyarqan.2Sam. 2.13.
13Ismael prësu apanqan runakuna Johanánta y paywan aywaykaq capitanninkunata rikaskirmi pasaypa kushikurnin
14paykunaman jinan höra juntakäyarqan.
15Ismaelnam puwaq yanapaqninkunallawan qeshpir Amón nacionman aywakurqan.
16Prësu apanqan runakunam kayarqan soldädukuna, warmikuna, wamrakuna y autoridäkuna. Paykunatam Johanánqa yanapaqnin capitankunawan Ismaelta Gabaónchö qechumur
17Belénpa ñöpanchö kaykaq Gerut-quimamman pusharqan. Tsayllapitana Egiptuman aywakuyta yarparmi tsaychö patsakuyarqan.
18Tsaynö aywakuyta yarpäyarqan Babiloniapa mandaqnin rey churanqan gobernador Gedalíasta Ismael wanutsinqanpita pasaypa mantsarirmi.
Who We AreWhat We EelieveWhat We Do
2025 by iamachristian.org,Inc All rights reserved.
