Amós 9 - Bible in Quechua of South Conchucos（qxo）

Tayta Dios juzgaptin pipis mana qeshpinanpä ninqan

1Tayta Diostam revelacionchö rikarqä altarpa ñöpanchö ichiykur nimuqta:

<

Tsaynöpam runakuna jananman templu juchumunqa.

Tsaypita qeshpiqkunata espädawan wanutsiptïmi ni jukllayllapis qeshpinqatsu.

2Patsa rurinman pakakuptinpis jipimushämi.

Altu ciëluman witsaptinpis urätsimushämi.

3Carmelo jirkaman pakakuptinpis ashi ashiykurmi tsarimushä.

Lamar rurinman pakakuptinpis mantsaypä culebrawanmi kanitsishä.

4Juklä markaman contrankuna prësu apayaptinpis espädawanmi wanutsishä.

Israel runakunataqa maychö rikarpis yanapanäpa trokinmi castigashä>>.

5Llapanta mandaq Tayta Dios kay patsata yataykuptinmi tsullunqa.

Tsaymi entëru Israel nacionchö täraq runakuna waqayanqa.

Nilo mayu bunyaypa bunyar aywanqannömi patsapis janaman y uraman kuyur tsuktsukyanqa.

6Tayta Diosqa ciëluchömi wayinta rurashqa.

Patsa jananpa azulyaraykaqtapis paymi kamashqa.

Paymi lamarpita pukutaytapis shäritsir patsa jananman tamyatsimun.

Jutinpis Yahwehmi.

7 Tayta Diosmi nin:

<

Qamkunata Egiptupita jipiyämunqänöllam filisteo runakunatapis Caftor islapita jipimurqä.

Aram runakunatapis Kir partipitam jipimurqä.

8<

Tsaynö kayanqanpitam tsay nacionta ushakätsishä.

Ushakätsirpis Jacobpita miraqkunata wakintaqa manam ushakätsishätsu>>.

Tayta Diosmi tsaynö nin.

9<

Rurupa kaqkuna yarquptinpis gransa kaqkuna mana yarquyanqannö manam jukllayllapis mana cäsumaqkuna castïgupita qeshpinqatsu.

10Mana cäsumaq kaqkunataqa llapantapis espädawanmi wanutsishä.

niqkunaqa llapanmi ushakäyanqa>>.

Israel nación yapay kananpä Tayta Dios ninqan

11<Unay kanqannö yapay kananpämi rachinqankunata tsapashä y juchushqa kaqkunata allïtsashä.

12Tsaynömi rurashä kawaykar quëdaq edomita runakunapis Israel runakunapa poderninchö kayänanpä.

Tsaynöllam jutïta joqariq kaq wakin nacionkunapis poderninchö kayanqa>>.

Tayta Diosmi tsaynö nin.

Paymi tsaykunata ruranqa.

13 Tayta Diosmi nin:

<

Üva jaruyta manarä ushayaptinmi üva plantapakuy tiempuna kanqa.

Jirkakunapapis y jirkankunapapis mayunörämi vïnu atska aywanqa.

14Karu nacionchö kayanqanpitam kuyanqä Israel runakunata kutitsimushä.

Kutitsimuptïmi juchushqa markakunata allitsaskir tsaychö täyanqa.

Yapay plantayanqan üvapitam vïnutapis upuyanqa.

Murukuyanqan alli wayuptinmi mikuyninkunapis tsaytsika kanqa.

15Kikinkunapa nacionninman kutitsiptïmi imayyaqpis tsaychö täyanqa.

Tsaypitaqa mananam pipis qarqunqanatsu.

Noqa kuyashuqniki Tayta Diosmi tsaynö kananpä nï>>.