Nehemías 9 - Bible in Quechua of South Conchucos（qxo）

Israel runakuna Tayta Diosta mañakuyanqan

1Tsay killallam ishkay chunka chusku (24) junaqchö ayunayänanpä Israel runakuna qorikäyarqan. Ayunarmi llapan runakuna lütu röpata jatikurkur umankunamanpis allpata wiñakuyarqan.

2(Tsay witsanmi mana Israel warmikunawan casarakuyanqanpita Israel runakuna rakikashqana kayarqan.) Qorikäyanqanchömi kikinkunapis y unay castankunapis jutsata rurayanqanta confesakuyarqan.

3Tsaychö kimsa höra ichiraykäyaptinmi Tayta Diospa leyninkunata llapan wiyayänanpä liyipäyarqan. Tsayta wiyaskirnam Tayta Diosta adorarnin jutsata rurayanqanpita kimsa höra perdonta mañakuyarqan.

4Tsaypitam levitakuna Josué, Bani, Cadmiel, Sebanías, Buni, Serebías, Bani y Quenani armayanqan escenariuman yarkuskir Tayta Diosta llapan kallpanwan mañakuyarqan.

5Tsaypitanam levitakuna Josué, Cadmiel, Bani, Hasabnías, Serebías, Hodías, Sebanías y Petaías niyarqan: <<¡Llapantsik ichiykur Tayta Diosnintsikta alabashun!>>

Tsaynö nirmi Tayta Diosta mañakur niyarqan:

<

Mayjina alabarpis manam munanqaykinöqa alabayätsu.

6< kanki.

Qammi kamarquyki ciëluta y tsaychö llapan kaqkunatapis.

Tsaynöllam kamarqayki kay patsata y kay patsachö kaqkunata, lamarta y lamar rurinchö kaqkunatapis.

Kawayta qoptikim llapan kawaqkunapis kawayan.

Tsaymi ciëluchö llapan kaykaqkunapis adorayäshunki.

7< qammi Abramta akrarqayki.

Qammi Caldeachö kaykaq Ur markapita pushamurqayki.

Tsaypitanam jutinta trocatsirqayki Abraham jutin kananpä.

8Abraham qamman yärakamunqantam musyarqayki.

Paywan pactuta rurarmi awnirqayki cananeo, heteo, amorreo, ferezeo, jebuseo y gergeseo runakuna täyanqan nacionkunata paypita miraqkunata entreganaykipä.

Imaypis cumpliq karmi promitinqaykita cumplirqayki.

9<

Tsaynöllam wiyarqayki Puka Lamar kuchunchö waqayanqantapis.

10Mantsakaypä señalkunawanmi Faraónta, sirviqninkunata y tsay nacionchö täraq runakunatapis castigarqayki.

Tsaynö rurarqayki Israel runakunata ñakatsiyanqanpitam.

Tsaynöpam poderösu kanqaykita maytsaychöpis runakuna musyayan.

11Israel runakuna rikaykäyaptinmi lamartapis ishkayman rakirqayki.

Tsaymi paykunaqa tsakipana päsayämurqan.

Peru qatipaqninkunatam sïqa imayka rumitanö lamarman jitarpurqayki.

12Israel runakunataqa ichiraykaq pukutaywanmi junaqpa pushamurqayki.

Paqaspanam lunyaykaq ninawan aktsiparqayki.

Tsaynöpam maypa aywayänanpäpis tantiyatsirqayki.

13<

Alli kawayänanpämi ninqaykikunata, leynikikunata, estatütuykikunata y mandamientuykikunata entregarqayki.

14Jamay junaqkuna jamayänanpämi ordenarqayki.

Sirvishuqniki Moiséswanmi mandamientuykikunata, estatütuykikunata y leynikikunata yachatsirqayki.

15<

Yakunäyaptinpis qaqapitam yakuta pashtatsimurqayki.

Tsaypitam awninqayki naciontapis entregarqayki.

16<

17Salvanaykipä milagrukunata ruranqaykitapis qonqaykurmi cäsuyäshurqaykitsu.

Tsaynö mana wiyakuq karmi yapay esclävu kayta munar Egiptuman kutitsinanpä juk mandaqtana churayta munayarqan.

<

18Paykunam fundiypa torïtuta ruraskatsir niyarqan: .

Tsaynö rabyanätsiyäshuptikipis

19kuyapäkuq karmi desiertuchö dëjarqaykitsu.

Tsaymi munanqaykipa aywayänanpä ichiraykaq pukutaywan junaqpa pushamurqayki.

Paqaspanam ichiraykaq ninawan aktsiparqayki.

20Espïrituykiwanmi paykunata shumaq tantiyatsirqayki.

Mikuyänanpäpis sobray sobraymi manáta alistaparqayki.

Yakunäyaptin yakutapis alistaparqaykim.

21Desiertuchöpis chusku chunka (40) wata yanapaptikim imapis faltarqantsu.

Röpankunapis manam ushakarqantsu.

Ni chakinkunapis manam pushllarqantsu.

22<

Rey Sehón mandanqan Hesbón nacionta y rey Og mandanqan Basán nacionta qechuskirmi trïbunpa trïbunpa herencianta entregarqayki.

23Bendicionnikiwanmi paykunapita miraqkunapis qoyllurkunanö atskaq kayarqan.

Unay castankunata awninqayki nacionkunamanmi yaykatsirqayki.

24<

Tsaychö täraq cananeo runakunata vinciyänanpämi yanaparqayki.

Munanqanta rurayänanpämi tsaychö täraq reykunata y markankunatapis poderninkunaman entregarqayki.

25Tsaynöpam alli murallashqa markakunamanpis yaykuyarqan.

Tsaypitam alli wayuq chakrakunata, imaykayuq wayikunata, yakuyuq pözukunata, üva chakrakunata, olïvus huertakunata y wakin früta huertakunatapis qechuyarqan.

Tsaychömi sobray sobray mikuy kaptin werayäyarqan.

Yanapaptikim pasaypa kushishqa kawayarqan.

26<

Cäsushunaykipä willakuyaptinmi profëtaykikunatapis wanutsir pasaypa rabyanätsiyäshurqayki.

27Tsaymi chikiqninkunapa poderninman dëjaykuptiki pasaypa ñakatsiyarqan.

Llakikur mañakayämushuptikim ciëlupita kuyapämurqayki.

Tsaymi chikiqninkunapita salvayänanpä akranqayki runakunata mandamurqayki.

28Chikiqninkunapita librina karmi yapay jutsata rurar rabyanätsiyäshurqayki.

Tsaynöpam yapaypis dëjaskiptiki chikiqninkuna pasaypa ñakatsiyarqan.

Tsaynö ñakar yapay mañakayämushuptikim ciëlupita kuyapämur kutin kutin salvarqayki.

29<

Ordenanqaykikunata cäsur alli kawayänanta munaptikipis manam wiyakuyarqantsu.

Mana wiyakuq karmi ninqaykikunata chaskikuyarqantsu.

30<

Imaykanöpa Espïrituyki yanapaptinmi profëtaykikunawan imaykanöpapis tantiyatsirqayki.

Peru mana wiyakuq kayaptinmi juklä nación runakuna vinciyänanpä dëjarqayki.

31Kuyapäkuq karmi chipyaqqa ushakätsirqaykitsu ni qonqarqaykitsu.

Qamqa alli shonqu y kuyapäkuq Tayta Diosmi kanki.

32<

Unay castäkunawan pactuta rurar promitinqaykikunataqa mana qonqaypam imaypis cumplinki.

Tsaynö kaykarqa promitinqaykinö yanapaykallämay.

Asiria nacionpa mandaqnin reykuna ñakatsiyanqanpita hasta kananyaqmi ñakaykäyä.

Tsaynömi mandamaqnï reykuna, autoridänïkuna, sacerdötïkuna, profëtaykikuna y unay castäkunapis ñakayarqan.

33<

34Mandamaqnï reykuna, autoridäkuna, sacerdötikuna y unay castäkunapis leynikikunata manam cäsuyarqantsu.

Tsaynöllam mandamientuykikunata yachatsiptikipis chaskikuyarqantsu.

Jutsata mana rurayänanpä nikaptikipis manam wiyakuyarqantsu.

35Tsaynö karmi imaykayuq jatun nacionta poderninkunaman entregaykaptikipis cäsuyäshurqaykitsu.

Rïcuyäyänanpä alistapaykaptikipis jutsa ruraykunata manam dëjayarqantsu.

36<

Murukur kushishqa alli kawayänanpä unay castäkunata entreganqayki nacionchömi kananqa sirviq kaykäyä.

37Tsaymi juk nacionchö reykuna chakräkunachö wayuqtapis apakuyan.

Noqakunatapis ashmäkunatapis poderninchömi tsararäyäman.

Jutsata rurayanqäpitam tsaynö ñakayänäpä churayämarqayki.

Pasaypam ñakaykäyä>>.

Tayta Diosta cäsuyänanpä awniyanqan

38 38 (10.1) Levitakuna tsaynö mañakuyaptinmi runakuna niyarqan: < rurar kanan awnishun. Awninqantsikta qellqaskir imaypis cumplinantsikpä mandamaqnintsikkuna, levitakuna y sacerdötikunapis firmayätsun>>.