1 1 (1b) Tayta Dios, ¡imayyaqrä jaqiskayämarquyki!
Majädaykichö üshaykinö kaykäyaptïqa ¿imanirtä pasaypa rabyakurquyki?
2Unaypita akranqayki runakuna kaykäyaptïqa yarpaykayällämay.
Herenciayki kayänäpämi salvayämarqayki.
Sión jirkanchö täranqayki templu raykur yanapaykayällämay.
3Templuchö kaqkunatapis llapantam contraykikuna ushakätsiyashqa.
Juchutsiyanqanta rikanaykipä shamuykullay.
4Templuykita juchuskatsirmi büllata rurayashqa.
Tsaymanmi bandërankunatapis jawiyashqa.
5Paykunaqa muntita tsaquqnömi templuykitapis juchutsir ushayashqa.
6Tablakunachö kuyayllapä llaqllar adornayanqantapis jächawan y pïcuwanmi ushakätsiyashqa.
7Tsaynömi templuykita rupatsir ushayashqa.
Täkunayki templuta manakaqman churarmi llapanta juchutsiyashqa.
8Tsay runakunam chipyaq ushakätsiyämayta yarpäyan.
Kay nacionchö qamta adoranäpä qorikäyänä wayikunatapis llapantam rupatsiyashqa.
9Bandëräkuna kuyuqtapis mananam rikayänatsu.
Profëtakunapis mananam kannatsu.
Manam musyayätsu imayyaq tsaynö kayänäpä kanqantapis.
10Tayta Dios, ¡imayyaqrä chikimaqnïkuna abusayämanqa!
¡Imayyaqrä wasaykitapis rimayanqa!
11¿Imanirtä yanapayämankinatsu?
¿Imanirtä makiki cruzashqa kaykanki?
12Tayta Dios, unaypitam mandamaqnï rey kanki.
Kay markachö atska kutim chikimaqnïkunata vincirquyki.
13Lamar yakutapis podernikiwanmi ishkayman rakirqayki.
Lamarchö mantsaypä ashmakunapa umankunatapis pakirqaykim.
14Leviatán
18 Tayta Dios, contraykikunam ashlliyäshunki.
Mana alli ruraq runakuna contrayki parlayanqanta ama perdonaytsu.
19Noqakunataqa ama qonqayämaytsu.
Kullkushnömi pasaypa mantsariyä.
Chucaru ashmanö mana alli ruraq runakunapa makinchö ama jaqiykayällämaytsu.
20Kay nacionchöqa maytsaychöpis mana allikunatam rurayan.
Noqakunawan pactu ruranqaykita yarpar yanapaykayällämay.
21Ñakatsiyämänanta ama munaykullaytsu.
Pobrikuna y humildikuna alabayäshunaykipä yanapaykullay.
22Tayta Dios, podernikichö kaykäyaptïqa ras yanapaykayällämay.
Tsay mana alli ruraq runakunaqa cada vezllam contrayki shäriyan.
23Chikishuqniki runakunaqa contraykim imaypis parlayan.
Tsaynö kayanqanta rikaykarqa ras yanapaykayällämay.
Who We AreWhat We EelieveWhat We Do
2025 by iamachristian.org,Inc All rights reserved.
