Salmo 46 - Bible in Quechua of South Conchucos（qxo）

Salmo 46 (45)Tayta Dios tsapämaqnintsik kanqan 1 (1) Cantaqkunapa mandaqninpämi. Corépita miraqkuna qellqayanqan salmu. Kënata tukayllapa cantayanki.

1 1 (2) Tayta Diosmi amparakunantsik törrinö kaykan.

Paymi imapitapis tsapämantsik.

Ima ñakaychö kashqapis yanapamantsikmi.

2 2 (3) Patsa pasaypa kuyuptinpis ama mantsarishuntsu.

Ni jirkakuna lamarman jitarpukäyaptinpis ama llakikushuntsu.

3 3 (4) Lamar bunyaypa bunyar laqchikachaptinpis y jirkakuna kuyuyaptinpis ama mantsarishuntsu.

4 4 (5) Juk mayum kan Tayta Dios akranqan markachö täraqkuna kushikuyänanpä.

Tsay runakunaqa poderösu Tayta Dios täranqan markachömi täyan.

5 5 (6) Tayta Dios tsaychö kaptinmi tsay markata imaypis vinciyanqatsu.

Paymi patsa waranqanpita tsaychö täraq runakunata yanapan.

6 6 (7) Yanapaptinmi juklä nación runakuna qayarar tsuktsukyäyan.

Parlamuptinmi kay patsapis rachikan.

7 7 (8) Llapanta mandaq Tayta Diosmi noqantsikwan kaykan.

Jacob sirvinqan Tayta Diosmi imaykapitapis tsapämantsik. Selah

8 8 (9) Tayta Dios espantaypä ruranqankunata rikayänaykipä shayämuy.

Paymi kay patsachö mantsariypä kaqkunata ruran.

9 9 (10) Mandaptinmi maytsaychöpis guërra kannatsu.

Flëchakunata y lanzakunatam llapanta pakir ushan.

Guërra carrëtakunatapis chipyaqmi rupatsir ushan.

10 10 (11) Tayta Diosmi nin:

<

Poderösu Tayta Dios kanqäta musyayay.

Podernïchömi maytsay nacionkunapis kaykan.

Podernïchömi entëru kay patsapis kaykan>>.

11 11 (12) Llapanta mandaq Tayta Diosmi noqantsikwan kaykan.

Jacob sirvinqan Tayta Diosmi tsapämaqnintsik kaykan. Selah