Salmo 89 - Bible in Quechua of South Conchucos（qxo）

Salmo 89 (88)Davidta awninqanpita Tayta Diosta alabanqan 1 (1) Kay salmuqa Ezra casta Etán qellqanqan salmum.

1 1 (2) Tayta Dios, kuyapäkuq kanqaykipitam imaypis alabashayki.

Llapan awninqaykita cumpliq kanqaykitam imaypis willakushä.

2 2 (3) Noqaqa willakushä imaypis kuyakuq kanqaykitam.

Awninqaykikunaqa ciëlunöpis manam cambiantsu.

3 3 (4) Qammi nirqayki: < rurarqä.

Sirvimaqnï Davidta awnirmi nirqä:

4 4 (5) >>.

5 5 (6) Tayta Dios, espantaypä kaqkunata ruranqaykipitam ciëluchö kaqkunapis alabayäshunki.

Cumpliq kanqaykipitam puntaykichö kaykaq angelkunapis adorayäshunki.

6 6 (7) Qamnöqa manam ni pipis ciëluchö kantsu.

Poderyuq karpis manam qammanqa iwalantsu.

7 7 (8) Ciëluchö angelkuna qorikäyanqanchöpis mantsaypämi kanki.

Ñöpaykichö kaykaq angelkunapitapis mas poderyuqmi kanki.

8 8 (9) Llapanta mandaq Tayta Dios, ¿pirä qammanqa iwalanqa?

Qamllam llapanpä poderyuq kanki.

Awninqaykitaqa imaypis cumplinkim.

9 9 (10) Lamar pasaypa laqchikachar shäriykaqtapis qammi mandanki.

Laqchikachar öla shäriptinpis qammi päratsinki.

10 10 (11) Lamarchö mantsaypä Rahab ashmatapis llaptsiskirqaykim.

Poderösu karmi chikishuqnikikunatapis maytsaypa qarqurqayki.

11 11 (12) Ciëlupis y kay patsapis qampam.

Kay patsachö kaqkunatapis qammi kamarqayki.

12 12 (13) Qammi kamarqayki norti lädutapis y sur lädutapis.

Tabor jirkapis y Hermón rajupis kushishqam alabayäshunki.

13 13 (14) Qamqa llapanpä poderyuqmi kanki.

Derëcha kaq makillaykiwanmi llapantapis vincinki.

14 14 (15) Allikunata rurar y pipapis favornin mana shäriypa juzgarmi alli mandaq kanki.

Kuyakuq kanqaykita y awnir cumplinqaykitam pïmaytapis tantiyatsinki.

15 15 (16) Alabashuqniki runakunam kushishqa kawayanqa.

Tayta Dios, paykunaqa puntaykichömi kawayan.

16 16 (17) Jutikita joqarirmi qoyay qoyay kushishqa kawayan.

Alli ruraq kanqaykipitam kushikuyan.

17 17 (18) Kushikuyänanpämi shumaq yanapanki.

Yanapayämaptikim poderyuqpis kayä.

18 18 (19) Tayta Diosmi tsapämaqnintsik escüdu.

Israel runakunapa santu Diosninmi mandamaqnintsik rey.

19 19 (20) Unayqa sirvishuqniki profëtakunata revelarmi nirqayki:

<

Pïmaypis respitayänanpämi payta yanaparqü.

20 20 (21) Payqa sirvimaqnï Davidmi.

Rey kananpämi sagrädu aceitita umanman wiñatsirqä.

21 21 (22) Mana dëjaypam paytaqa imaypis yanapashä.

Kikïmi shumaq valuratsishä.

22 22 (23) Chikiqninkunapis manam vinciyanqatsu.

Mana alli ruraq runakunapis manam poderninchö katsiyanqatsu.

23 23 (24) Chikiqninkunataqa paypa puntanchömi llaptsiskishä.

Tsay runakunataqa chipyaqmi ushakätsishä.

24 24 (25) <

Yanapaptïmi poderyuq kanqa.

25 25 (26) Mediterráneo Lamarpita hasta Éufrates mayuyaq mandaq kananpämi yanapashä.

26 26 (27) Paymi nimanqa:

Diosnïmi kanki.

Salvamaqnï y tsapämaqnï qaqam kanki>.

27 27 (28) <

Kay patsachö llapan reykunapitapis mas poderyuqmi kanqa.

28 28 (29) Paytaqa imaypis kuyashämi.

Paywan pactu ruranqätaqa imaypis cumplishämi.

29 29 (30) Ciëlu imaypis kanqannömi paypita miraqkuna imaypis rey kayanqa.

30 30 (31) Yachatsinqäta qonqäyaptin,

mandanqäta mana cäsuyaptin,

31 31 (32) leynïkunata mana cumpliyaptin

y mandamientükunata mana cäsuyaptinqa

32 32 (33) pasaypam garutishä.

Jutsata rurayanqanpitam asutashä.

33 33 (34) Tsaynö castigarpis Davidta kuyarmi awninqäta imaypis cumplishä.

34 34 (35) Paywan pactu ruranqäta manam imaypis qonqäshätsu.

Llapan awninqätam cumplishä.

35 35 (36) Kikïmi Davidta awnirqü.

Awninqätaqa llapantam cumplishä.

36 36 (37) Paypita miraqkunam imaypis rey kayanqa.

Rupay imaypis kanqannömi imaypis mandaq kayanqa.

37 37 (38) Ciëluchö killa imaypis kanqannömi mandakuynin imaypis kanqa>>. Selah

38 38 (39) Tayta Dios, tsaynö awniykarpis akranqayki rey rabyanätsishuptiki mananam yanapankinatsu.

39 39 (40) Sirvishuqniki Davidwan pactu ruranqaykitapis manam cumplinkinatsu.

Pïmaypis jaruyänanpä corönanta jitaqnömi rey kayninpita jitarquyki.

40 40 (41) Taykanqan marka murällatapis maynin tsayninpam juchutsirquyki.

Amparakuna markankunatapis raqällatanam dëjarquyki.

41 41 (42) Pïmaypis tsaypa päsaqkunam yaykuskir munayanqanta apayan.

Vecïnun nación runakunapis asipäyanmi.

42 42 (43) Reypa chikiqninkunata yanapaptikim vinciskir kushikuyan.

43 43 (44) Vinciyänanpämi reypa soldädunkunatapis qelanätsirquyki.

Guërrachöpis manam yanaparquykitsu.

44 44 (45) Reypa podernintam qechurquyki.

Mandaq kaynintapis manakaqmanmi churarquyki.

45 45 (46) Jövinllarä kaykaptinmi rey kanqanpita jipirquyki.

Pasaypa penqakuymanmi churarquyki.

46 46 (47) Tayta Dios, ¡imayyaqrä noqakunapita pakakunki!

¿Imaypis rabyashqallatsurä kaykanki?

47 47 (48) Tayta Dios, wallka watalla kawanäpä kanqanta yarpaykullay.

Kamanqayki runakunaqa juk ishkay watallam kawayan.

48 48 (49) ¿Pirä mana wanuypa kawanman?

¿Pirä wanuypita qeshpinman? Selah

49 49 (50) Tayta Dios, Davidta imaypis kuyapänaykipä awninqaykita ¿imanirtä qonqaskirquyki?

50 50 (51) Tayta Dios, qamta sirviyaptï pïmaypis chikiyämanqanta wiyaykullay.

Maytsay nacionchö runakuna ashlliyämanqantam shonqüchö yarparaykä.

51 51 (52) Tayta Dios, chikishuqnikikunam abusayäman.

Akranqayki runakuna kaykäyaptïmi qoyay qoyay imaykata niyäman.

52 52 (53) Tayta Dios imayyaqpis alabashqa kaykullätsun.

¡Amén! ¡Tsaynö katsun!